| e-texts navigator |
| Wylie |
38a1 སངས་རྒྱས་བཅོམ་ལྡན་འདས་རྣམས་ཀྱི་ཆོས་ཉིད་དེ།། ག་ཚེ་འཛུམ་པ་མཛད་པ་དེའི་མོད་ལ།། བཅོམ་ལྡན་འདས་ཀྱིས་ཞལ་གྱི
38a2 སྒོ་ནས་འོད་ཟེར་ཁ་དོག་དུ་མ།། ཁ་དོག་སྣ་ཚོགས་པ་འདི་ལྟ་སྟེ་སྔོན་པོ་དང་སེར་པོ་དང་། དམར་པོ་དང་། དཀར་པོ་དང་། བཙོད་ཀ་དང་། ཤེལ་གྱི་ཁ་དོག་དང་། དངུལ་གྱི་ཁ
38a3 དོག་ལྟ་བུ་དག་བྱུང་སྟེ།། དེ་དག་གིས་འཇིག་རྟེན་གྱི་ཁམས་མཐའ་ཡས་མུ་མེད་པ་སྣང་བས་ཁྱབ་པར་བྱས་ནས་སྟེང་དུ་ཡང་ཚངས་པའི་འཇིག་རྟེན་གྱི་བར་དུ་སོང་སྟེ།
38a4 ཉི་མ་དང་ཟླ་བ་རྣམས་ཀྱི་གཟི་བརྗིད་ཀྱང་མེད་པར་བྱས་ནས་ཕྱིར་ལོག་སྟེ་བཅོམ་ལྡན་འདས་ལ་ལན་གསུམ་བསྐོར་བ་བྱས་ནས། བཅོམ་ལྡན་འདས་ཀྱིས་སྤྱི་བོའི་གཙུག་ཏུ
38a5 མི་སྣང་བར་གྱུར་ཏོ།། དེ་ནས་བྱང་ཆུབ་སེམས་དཔའ་མཐོང་བ་དོན་ཡོད་ཀྱིས།། བཅོམ་ལྡན་འདས་ག་ལ་བ་དེར་ལོག་སུ་ཐལ་མོ་སྦྱར་བ་གཏུད་ཏེ། བཅོམ་ལྡན་འདས
38a6 ལ་འདི་སྐད་ཅེས་གསོལ་ཏོ།། བཅོམ་ལྡན་འདས་འཛུམ་པ་མཛད་པའི་རྒྱུ་གང་ལགས། རྐྱེན་གང་ལགས། བཅོམ་ལྡན་འདས་ཀྱིས་བཀའ་སྩལ་པ། མཐོང་བ
38a7 དོན་ཡོད། རྒྱལ་པོ་ཚངས་པས་བྱིན་འདི་ནི་བསྐལ་པ་སུམ་བཅུའི་བར་དུ་ལོག་པར་ལྟུང་བ་མི་འགྱུར་ཏེ། ལྷ་དང་མིའི་ཕུན་སུམ་ཚོགས་པ་མྱོང་ནས། སངས་རྒྱས་དུང
38a8 ཕྱུར་ཕྲག་བརྒྱད་གཉིས་པར་བྱེད་པར་འགྱུར་རོ།། ཐམས་ཅད་དུ་ཡང་འཁོར་ལོས་སྒྱུར་བའི་རྒྱལ་པོར་འགྱུར་ཏེ། གླིང་བཞི་ཡོངས་སུ་བཏང་ནས་སངས་རྒྱས་བཅོམ
iiif viewer powered by OpenSeadragon
