| e-texts navigator |
| Wylie |
339a1 པའི་དུས་ཅིག་ན། བཅོམ་ལྡན་འདས་ཡངས་པ་ཅན་ན། ཨ་སྨ་སྲུང་བའི་ཚལ་ན་བཞུགས་སོ།། དེ་ནས་ལི་ཙ་བྱའི་བུ་རྩལ་རབ
339a2 བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ལོ།། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ
339a3 ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པ་རྫོགས་པའི་སངས་རྒྱས་གང་ལ་ལ་སྔོན་གྱི་དེ་སྨོན་ལམ་ཕུན་སུམ་ཚོགས་པ་དག་བཞུགས་པ། བཅོམ་ལྡན
339a4 འདས་གང་དག་ཐོས་ན། བདག་གི་སྤྱི་བོས་བཀུར་ཞིང་། གང་དག་བདག་གིས་སྤྱི་བོས་བཀུར་བས། མི་འམ། མི་མ་ལགས་པ་ལས་འཇིགས་པ་འམ། གཙེ་བ་འབྱུང
339a5 བར་མི་འགྱུར་བ་དང་། བཅོམ་ལྡན་འདས་གདག་རྒྱལ་པོའི་ཕོ་བྲང་དུ་མཆིས་ཏེ། སྨྲ་བ་བརྗོད་པ་ནི་ཅི་ནས་ཀྱང་གང་གིས་ཀྱང་སྨྲ་བ་ལ་བཟློག་པ་མི་བགྱིད་ཅིང་།
339a6 ཟིལ་གྱི་མི་ནོན་པ་དང་། མཚན་དེ་དག་ཉིད་བདག་འཛིན་ན། གཉིད་ཀྱིས་ལོག་པ་ན་ཡང་སྡིག་པའི་རྨི་ལམ་རྨི་བར་མི་འགྱུར་བ་དང་། བདག་མཚོན་ཆ་གཟས་པའི་ཡུལ
339a7 གྱི་ནང་དུ་ཞུགས་ན་ཡང་ལུས་ལ་མཚོན་ཆ་རྣམས་ཕོག་པར་མི་འགྱུར། དེ་ལས་བདེ་བར་ཐར་པར་ཡང་འགྱུར་བ་དེ་དག། བཅོམ་ལྡན་འདས་དེ་བཞིན་གཤེགས་པ་དགྲ
339a8 བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་ཡོངས་སུ་བསྟན་དུ་གསོལ། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ལི་བྲིའི་བུ་རྩལ་རབ་ལ་འང
iiif viewer powered by OpenSeadragon
