| e-texts navigator |
| Wylie |
338b1 ཚེ་དང་ལྡན་པ་དག་སེམས་དང་ཡིད་དང་རྣམ་པར་ཤེས་པ་ཐ་མ་གཟུགས་དང་། སྒྲ་དང་། དྲི་དང་། རོ་དང་རེག་བྱ་དག་གིས་ཀུན་ཏུ་མ་བསྩགས་ཤིང་ཉེ་བར་མ་བསྩགས
338b2 པ། གང་ཡིན་པ་དེ་ཉིད་མཚམས་སྦྱོར་བ་མེད་པར་འགག་པར་འགྱུར་ཏེ། དེ་ཉིད་སྡུག་བསྔལ་གྱི་མཐའ་ཡིན་ནོ།། འདི་ནི་དོན་རྒྱས་པ་ཞེས་བྱ་བའི་ཆོས་ཀྱི་རྣམ་གྲངས
338b3 ཤེས་བྱ་ཡིན་ཏེ། ཚེ་དང་ལྡན་པ་དག་ཁྱེད་ལ་ངས་ཆོས་ཐོག་མར་དགེ་བ། བར་དུ་དགེ་བ། ཐ་མར་དགེ་བ། དོན་བཟང་པོའི་ཚིག་འབྲུ་བཟང་པོ།། མ་འདྲེས་པ
338b4 ཡོངས་སུ་རྫོགས་པ། ཡོངས་སུ་དག་པ། ཡོངས་སུ་བྱང་བ། ཚངས་པར་སྤྱོད་པ་སུན་པར་བྱ་སྟེ། འདི་ལྟ་སྟེ། དོན་རྒྱས་པ་ཞེས་བྱ་བའི་ཆོས་རྣམ་གྲངས་རབ
338b5 ཏུ་བཤེད་དོ།། ཞེས་གསུངས་པ་དེ་ནི་བཤད་པ་འདི་ཡིན་ནོ།། ཚེ་དང་ལྡན་པ་ཤ་རིའི་བུས་དེ་སྐད་ཅེས་སྨྲས་པ་དང་། ཚངས་པ་མཚུངས་པར་སྤྱོད་པ་མཁས
338b6 པ་རྣམས་ཡིད་རངས་ཏེ། ཚེ་དང་ལྡན་པ་ཤ་རིའི་བུས་སྨྲས་པ་ལ་མངོན་པར་བསྟོད་དོ།། འཕགས་པ་དོན་རྒྱས་ཞེས་བྱ་བའི་ཆོས་ཀྱི་རྣམ་གྲངས། རྫོགས་སོ།། །
338b7 རྒྱ་གར་སྐད་དུ། ཨཱརྱ་ཨ་སྟ་མང་ག་ལ་ཀན་ནཱ་མ་མ་ཧཱ་ཡ་ན་སུ་ཏྲ། བོད་སྐད་དུ། འཕགས་པ
338b8 བཀྲ་ཤིས་བརྐྱང་བ་ཞེས་བྱ་བ་ཐེག་པ་ཆེན་པོའི་མདོ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ།། འདི་སྐད་བདག་གིས་ཐོས
iiif viewer powered by OpenSeadragon
