| e-texts navigator |
| Wylie |
328b1 བུ་རྣམ་པར་སྨིན་པ་འདོད་པས་བྱ་བ་གང་ཞེ་ན། རང་གི་ལག་པ་ནས་སྦྱིན་པ་བྱིན་པས། ཕྱུག་པོར་འགྱུར་བ་ནས། འཇའ་བོ་དང་། བློན་པོ་དང་། ཉེ་དུ་དང་། སྣག་གི་གཉེན
328b2 མཚམས་མང་བ་ཡིན་པའི་བར་སྔ་མ་བཞིན་ནོ།། དེ་ཁྱིམ་གྱི་ལོངས་སྤྱོད་རྒྱ་ཆེན་པོ་དག་ལ་ཡང་སེམས་འཇུག་པ་ཡིན། ཟས་ཀྱི་ལོངས་སྤྱོད་རྒྱ་ཆེན་པོ་དག་དང་། ཐེག་པའི
328b3 ལོངས་སྤྱོད་རྒྱ་ཆེན་པོ་དག་དང་། གོས་ཀྱི་ལོངས་སྤྱོད་རྒྱ་ཆེན་པོ་དག་དང་། མལ་ཆའི་ལོངས་སྤྱོད་རྒྱ་ཆེན་པོ་དག་དང་། གཟུགས་དང་། སྒྲ་དང་། དྲི་དང་། རོ་དང་། རེག
328b4 བྱ་རྒྱ་ཆེན་པོ་དག་ལ་ཡང་སེམས་འཇུག་པ་ཡིན་ཏེ། དགེ་སློང་དག་རང་གི་ལག་པ་ན། སྦྱིན་པ་བྱིན་པའི་འབྲས་བུ་རྣམ་པར་སྨིན་པ་དེ་ལྟ་བུ་འདོད་པར་བྱའོ།། དགེ་སློང་དག
328b5 དུས་སུ་སྦྱིན་པ་བྱིན་པའི་འབྲས་བུ་རྣམ་པར་སྨིན་པ་འདོད་པར་བྱ་བ་གང་ཞེ་ན། དུས་སྦྱིན་པ་བྱིན་པས་ཕྱུག་པོར་འགྱུར་བ་ཡིན་པ་ནས། འཇའ་བོ་དང་། བློན་པོ་དང་།
328b6 ཉེ་དྲོ་དང་། སྣག་གི་གཉེན་མཚམས་མང་བ་ཡིན་པའི་བར་སྔ་མ་བཞིན་ནོ།། དེའི་ནོར་དག་ཀྱང་དུས་སུ་ཐོབ་པ་དང་། མང་ཞིང་མཐུན་པ་མངོན་དུ་འབྱུང་བ་ཡིན་ཏེ། དགེ
328b7 སློང་དག་དུས་སུ་སྦྱིན་པ་བྱིན་པའི་འབྲས་བུ་རྣམ་པར་སྨིན་པ་དེ་ལྟ་བུ་འདོད་པར་བྱའོ།། དགེ་སློང་དག་གཞན་ལ་མི་གནོད་པར་སྦྱིན་པ་བྱིན་པའི་འབྲས་བུ་རྣམ་པར་སྨིན་པ
328b8 འདོད་པར་བྱ་བ་གང་ཞེ་ན། གཞན་ལ་མི་གནོད་པར་སྦྱིན་པར་བྱིན་པས། ཕྱུག་པོར་འགྱུར་བ་ཡིན་པ་ནས། མཛའ་བོ་དང་། བློན་པོ་དང་། ཉེ་དུ་དང་། སྣག་གི
iiif viewer powered by OpenSeadragon
