| e-texts navigator |
| Wylie |
327b1 ཕ་རོལ་འཆི།། ད་དུང་བདག་གི་དོགས་པ་འདི། ཁྱོད་ཀྱི་གསལ་བར་མཛད་པའི་རིགས།། བཅོམ་ལྡན་འདས་ཀྱིས་བཀའ་སྩལ་པ།། གང་གིས་ལོངས་སྤྱོད་ཡོད་བཞིན་དུ།
327b2 བསོད་ནམས་བསགས་པ་མ་བྱས་པ།། དེ་ནི་ཤིན་དུ་བསླུས་གྱུར་ནས། འཇིག་རྟེན་འདི་ནས་ཕ་རོལ་སོང་།། ལྷས་གསོལ་པ། འཇིགས་པ་ཀུན་ལས་འདས་གྱུར་ཅིང་།། རྒལ
327b3 བ་འཇིག་རྟེན་མཐུ་ལྡན་པའི།། བྲམ་ཟེ་མྱ་ངན་ཡོངས་འདས་པར།། ཀྱེ་མ་བདག་གིས་རིངས་ནས་མཐོང་།། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། ལྷ་དེ་ཡིད
327b4 རངས་ཏེ། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས་རྗེས་ཡིད་རངས་སྟེ། དེ་ཉིད་དུ་མི་སྣང་བར་གྱུར་ཏོ།། །། ལྷའི་མདོ།། །། རྫོགས་སོ།།
327b5 སརྦ་མངྒ་ལམ།། རྒྱ་གར་སྐད་དུ། ཨཱརྱ་སང་པུ་རུ་ཤ་སུ་ཏྲམ། བོད་སྐད་དུ། འཕགས་པ་སྐྱེས་བུ་དམ་པའི་མདོ།།
327b6 འཕགས་པ་འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ།། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད
327b7 ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་ཏེ། དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་ལྔ་པོ་འདི་དག་ནི་སྐྱེས
327b8 བུ་དམ་པའི་སྦྱིན་པ་ཡིན། ལྔ་གང་ཞེ་ན། དགེ་སློང་དག་སྐྱེས་བུ་དམ་པ་ནི་དད་པས་སྦྱིན་པ་བྱིན་པར་བྱེད་པ་ཡིན། གུས་པར་བྱས་ཏེ་རང་གི་ལག་པ་ནས། དུས་སུ
iiif viewer powered by OpenSeadragon
