| e-texts navigator |
| Wylie |
325b1 ཞེས་བྱ་བར་ཟུང་ཤིག། དེའི་དོན་ནི་འདི་ལྟར་བལྟ་བར་བྱ་སྟེ། དེ་དེ་བཞིན་དུ་ཟུང་ཤིག། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། ཚེ་དང་ལྡན་པ་ཤ་རིའི་བུ་དང་།
325b2 དགེ་སློང་གཞན་དག་ཀྱང་བཅོམ་ལྡན་འདས་ཀྱིས་བཀའ་སྩལ་པ་ལ་མངོན་པར་བསྟོད་དོ།། འཕགས་པ་དཀོན་མཆོག་གསུམ་ལ་སྐྱབས་སུ་འགྲོ་བ་ཞེས་བྱ་བ་ཐེག་པ་ཆེན་པོའི་མདོ།།
325b3 རྫོགས་སྷོ།། །། རྒྱ་གར་གྱི་མཁན་པོ་སརྦ་སད་ཉེ་དེ་བ་དང་། ཞུ་ཆེན་གྱི་ལོ་ཙཱ་བ་བན་དེ་དཔལ་རྩེགས་ཀྱིས་བསྒྱུར་ཅིང་ཞུས་ཏེ་གཞན་ལ་ཕབ་པ།
325b4 རྒྱ་གར་སྐད་དུ། དེ་བ་སུ་ཏྲ། བོད་སྐད་དུ། ལྷའི་མདོ།། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ།།
325b5 འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་ཏེ། དེ་ན
325b6 མཚན་མོ་མི་ཉལ་ཙམ་དུ་ན། ལྷ་མདོག་ཤིན་ཏུ་བཟང་པོ་ཞིག་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ།
325b7 ཕྱོགས་གཅིག་ཏུ་འདུག་གོ། དེ་ནས་ལྷའི་མཐུས་རྒྱལ་བུ་རྒྱལ་བྱེད་ཀྱི་ཚལ་ཐམས་ཅད་སྣང་བ་ཆེན་པོས་ཁྱབ་པར་གྱུར་ཏོ།། དེ་ནས་དེའི་ཚེ་ལྷ་དེས་ཚིགསུ་གཅད་པ་འདི་དག
325b8 གསོལ་ཏོ།། མཚོན་ཆ་རྣོན་པོ་དེ་གང་ལགས།། ཧ་ལ་ཧ་ལའི་དུག་གང་ལགས།། རབ་ཏུ་འབར་བའི་མེ་གང་ལགས།། མུན་པ་རབ་གནག་དེ་གང་ལགས།། བཅོམ་ལྡན
iiif viewer powered by OpenSeadragon
