| e-texts navigator |
| Wylie |
320b1 ལ་ལན་གཅིག་གནས་པའི་བསོད་ནམས་འདི་ཙམ་ཞེས་བསོད་ནམས་སམ། བསོད་ནམས་ཀྱི་འབྲས་བུ་འམ། བསོད་ནམས་ཀྱི་འབྲས་བུ་རྣམ་པར་སྨིན་པ་ཆད་གཟུང་བར་མི་ནུས་ཏེ།
320b2 འོན་ཀྱང་བསོད་ནམས་མང་ཞིང་བསོད་ནམས་ཀྱི་ཕུང་པོ་ཆེའོ།། ཞེས་བྱ་བའི་གྲངས་སུ་འགྲོའོ།། གནས་མཆོག་འཕགས་པའི་ལམ་ཡན་ལག་བརྒྱད་དང་ལྡན་པའི་བསྙེན་གནས
320b3 ལ་གནས་པ་ནི་དེ་ལྟར་འབྲས་བུ་ཆེ་བ་ཡིན། དེ་ལྟར་ཕན་ཡོན་ཆེ་བ་ཡིན། དེ་ལྟར་མཐུ་ཆེ་བ་ཡིན། དེ་ལྟར་རྒྱ་ཆེ་བ་ཡིན་ནོ།། གནས་འཇོག་ཁྱོད་འཕགས་པའི་ལམ་ཡན་ལག་བརྒྱད
320b4 དང་། ལྡན་པའི་བསྙེན་གནས་ལ་ཉེ་བར་གནས་པར་གྱིས་ཤིག། ཆོ་འཕྲུལ་གྱི་ཕྱོགས་ལ་ཡང་ནན་ཏན་གྱིས་སྒྲུབས་ཤིག། ལྷ་དང་མི་རྣམས་ཀྱི་འདོད་པ་ལ་ཡང་སྤྱད་པར་གྱིས
320b5 ཤིག། དེ་ནས་བཅོམ་ལྡན་འདས་ལ་བྲམ་ཟེ་གནས་འཇོག་གིས་འདི་སྐད་ཅེས་གསོལ་ཏོ།། ཀྱེ་ཀོའུ་ཏ་མ་འདི་ལ་སྐྱེས་བུ་གཉིས་ཤིག་ལས་དེ་གཅིག་གིས་ཇི་སྲིད་འཚོའི་བར
320b6 དུ། སྦྱིན་པ་སྩལ་པ་དང་། གཉིས་པས་ཀྱང་ཇི་སྲིད་འཚོའི་བར་དུ། འཕགས་པའི་ལམ་ཡན་ལག་བརྒྱད་དང་ལྡན་པའི་བསྙེན་གནས་ལ་གནས་པ་དེ་གཉིས་ལས། བཅོམ
320b7 ལྡན་འདས་ཁྱད་པར་གང་ཆེ་ལགས། བཅོམ་ལྡན་འདས་ཀྱིས་བཀའ་སྩལ་པ། གནས་འཇོག་འདི་ལ་འཕགས་པའི་ལམ་ཡན་ལག་བརྒྱད་དང་ལྡན་པ་ལ་གནས་པ་དང་།
320b8 སྦྱིན་པ་གཉིས་མཉམ་པ་མ་ཡིན་ཏེ། གནས་མཆོག་དཔེར་ན་གང་འཇམ་བུའི་གླིང་འདིར་དགྲ་བཅོམ་པ། ཟག་པ་ཟད་པ། བྱ་བ་བྱས་པ། བྱེད་པ་བྱས་པ། ཁུར་བོར་བ།
iiif viewer powered by OpenSeadragon
