| e-texts navigator |
| Wylie |
305a1 བཤད་དོ།། ཀུན་དགའ་བོ་འཇམ་བུ་གླིང་གི་གླིང་ནི་ཆུར་དཔག་ཚད་བདུན་སྟོང་། རྒྱར་ཡང་དཔག་ཚད་བདུན་སྤོང་། བྱང་དུ་ནི་ཁ་དེ་ཆེན
305a2 ཆེ་བ། ལྷོ་ནི་སོགས་ཀར་འདུག་པ་སྟེ། རིགས་ཀྱི་བུ་འམ། རིགས་ཀྱི་བུ་མོ་དད་པ་གང་ལ་ལ་ཞིག་གི། རིན་པོ་ཆེ་སྣ་བདུན་གྱི་རང་བཞིན་དུ་བྱས་ཏེ། རྒྱུན་དུ་ཞུགས་པ་རྣམས་དང་།
305a3 ལན་ཅིག་ཕྱིར་འོང་བ་རྣམས་དང་། ཕྱིར་མི་འོང་བ་རྣམས་དང་། དགྲ་བཅོམ་པ་རྣམས་དང་། རང་སངས་རྒྱས་དང་། ཕྱོགས་བཞིའི་དགེ་སློང་གི་དགེ་འདུན་ལ་ཕུལ་བ་ལས།
305a4 གང་གིས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཡོངས་སུ་མྱ་ངན་ལས་འདས་པའི་མཆོད་རྟེན་འཇིམ་པ་ལས་སྐྱུ་རུ་རའི་འབྲས་བུ་ཙམ་བྱས
305a5 ལ། ཁབ་ཙམ་གྱི་སྲོག་ཤིང་བཙུགས་ཏེ། རྒྱ་ཤུགས་གི་ལོ་མ་ཙམ་གྱི་གདུགས་གསོལ་ནས། ནས་ཀྱི་འབྲུ་ཙམ་གྱི་སྐུ་གཟུགས་བྱས་ལ། ཉུངས་འབྲུ་ཙམ་གྱི་རིང་བསྲེལ་བཅུག
305a6 ན་དེ་ནི། དེ་བས་ཆེས་བསོད་ནམས་ཆེའོ།། ཞེས་ང་སྨྲའོ།། ཀུན་དགའ་བོ།། འཛམ་བུའི་གླིང་ལྷ་ཞོག་གོ།། ཀུན་དགའ་བོ་ཤར་གྱི་ལུས་འཕགས་ཞེས་བྱ་བའི་གླིང་ཡོད་དེ།
305a7 ཆུར་ནི་དཔག་ཚད་བརྒྱད་སྟོང་། རྒྱར་ཡང་དཔག་ཚད་བརྒྱད་སྟོང་། ཀུན་ནས་བླ་གབ་ལྟར་གྲུབ་པ་དེ། རིགས་ཀྱི་བུ་འམ། རིགས་ཀྱི་བུ་མོ་དད་པ་གང་ལ་ལ་ཞིག་གི་རིན་པོ་ཆེ
305a8 སྣ་བདུན་གྱི་རང་བཞིན་དུ་བྱས་ཏེ། རྒྱུན་ཏུ་ཞུགས་པ་རྣམས་དང་། ལན་ཅིག་ཕྱིར་འོང་བ་རྣམས་དང་། ཕྱིར་མི་འོང་བ་རྣམས་དང་། དགྲ་བཅོམ་པ་རྣམས་དང་།
iiif viewer powered by OpenSeadragon
