| e-texts navigator |
| Wylie |
240b1 སོ་སོའི་སྐྱེ་བོ་རྣམས་ཀྱིས་ངོམས་མི་མྱོང་བར་བྱ་བར་ལྟ་ཅི་སྨོས། ཀུན་ཏུ་དཔའ་བ་རིགས་ཀྱི་བུའམ། རིགས་ཀྱི་བུ་མོ་གང་ལ་ལ་ཐེག་པ་ཆེན་པོ་ལ་དད་པ་བསྐྱེད་པ་དེ
240b2 བསྐལ་པ་སྟོང་དུ་ལོག་པར་ལྟུང་བར་འགྲོ་བར་མི་འགྱུར། བསྐལ་པ་ལྔ་སྟོང་དུ་དུད་འགྲོར་སྐྱེ་བར་མི་འགྱུར། བསྐལ་པ་ཁྲི་ཉིས་སྟོང་དུ་བློ་ངན་པར་མི་འགྱུར།
240b3 བསྐལ་པ་ཁྲི་བརྒྱད་སྟོང་དུ་མཐའ་འཁོབ་དུ་སྐྱེ་བོའི་ནང་དུ་སྐྱེ་བར་མི་འགྱུར། བསྐལ་པ་ཉིས་ཁྲི་རབ་ཏུ་སྦྱིན་པ་ལ་དཔའ་བར་འགྱུར། བསྐལ་པ་ཉི་ཁྲི་ལྔ་སྟོང
240b4 དུ་ལྷའི་འཇིག་རྟེན་དུ་སྐྱེ་བར་འགྱུར། བསྐལ་པ་སུམ་ཁྲི་ལྔ་སྟོང་དུ་ཚངས་པར་སྤྱད་པ་སྤྱོད་པར་འགྱུར་རོ།། དེ་སྐལ་པ་བཞི་ཁྲིར་ཁྱིམ་གྱི་གནས་ནས་འབྱུང་བར
240b5 འགྱུར། བསྐལ་པ་ལྔ་ཁྲིར་ཆོས་འཛིན་པར་འགྱུར། བསྐལ་པ། ཁྲི་ལྔ་སྟོང་དུ་འཆི་བ་རྗེསུ་དྲན་པ་བསྒོམ་པར་འགྱུར་རོ།། ཀུན་ཏུ་དཔའ་བ་རིགས་ཀྱི་བུ་འམ
240b6 རིགས་ཀྱི་བུ་མོ་དེ་ལ་སྡིག་པོའི་ལས་ཅུང་ཟད་ཀྱང་འབྱུང་བར་མི་འགྱུར་རོ།། དེ་ལ་བདུད་སྡིག་ཅན་གྱིས་བརླགས་རྙེད་པར་མི་འགྱུར་རོ།། ནམ་དུ་ཡང་མིའི་མངལ
240b7 དུ་སྐྱེ་བར་མི་འགྱུར་རོ།། ཀུན་ཏུ་དཔའ་བ་གང་ཆོས་ཀྱི་རྣམ་གྲངས་འདི་ཐོས་པ་དེ་ནི་གང་དང་གང་དུ་སྐྱེ་བ་ཡང་བསྐལ་པ་གྲངས་མེད་པ་དགུ་བཅུ་རྩ་ལྔར་ལོག་པར
240b8 ལྟུང་བར་མི་འགྱུར་རོ།། བསྐལ་པ་བརྒྱད་ཁྲིར་ཟོས་བུ་འགྱུར། བསྐལ་པ་སྟོང་དུ་སྲོག་གཅོད་པ་སྤོང་བར་འགྱུར། བསྐལ་པ་དགུ་ཁྲི་དགུ་སྟོང་དུ་བརྫུན་སྨྲ་བ་སྤོང
iiif viewer powered by OpenSeadragon
