| e-texts navigator |
| Wylie |
231a1 རྣམ་པར་ཤེས་པ་དང་པོ་དེ་བྱུང་མ་ཐག་ཏུ་གང་དུ་རྣམ་པར་སྨིན་པ་རབ་ཏུ་མྱོང་བར་སྣང་བར་འགྱུར་བའི་རྣམ་པར་ཤེས་པའི་རྒྱུན་རབ
231a2 ཏུ་འཇུག་གོ། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ཏེ། བདེ་བར་གཤེགས་པས་དེ་སྐད་གསུངས་ནས། སྟོན་པས་གཞན་ཡང་འདི་སྐད་གསུངས་སོ།།
231a3 འདི་དག་ཐམས་ཅད་མིང་ཙམ་ཏེ། འདུ་ཤེས་ཙམ་དུ་རབ་ཏུ་གནས། བརྗོད་པས་བརྗོད་པར་བྱ་བ་ཡང་། གུད་ན་ཡོད་པ་མ་ཡིན་ནོ།། གང་དང་གང་གིས་མིང་རྣམ
231a4 ཀྱིས། ཆོས་རྣམས་གང་གང་བརྗོད་པ། དེ་དག་ཡོད་པ་མ་ཡིན་ཏེ། དེ་དག་ཆོས་ཀྱི་ཆོས་ཉིད་དོ།། མིང་ནི་མིང་གིས་སྟོང་པ་སྟེ། མིང་ལ་མིང་ནི་ཡོད་མ
231a5 ཡིན། མིང་གིས་ཡོངསུ་བརྗོད་པ་ཡིན། ཆོས་ཀུན་མིང་ཡོད་མ་ཡིན་ནོ།། ཆོས་འདི་དག་ནི་ཡང་དག་མིན། རྣམ་པར་རྟོག་ལས་ཀུན་དུ་འབྱུང་།།
231a6 འདི་ལས་རྟོག་པ་གང་གིས་སུ། སྟོང་པར་རྣམ་རྟོག་དེ་མེད་དོ།། ཐམས་ཅད་གཟིགས་པས་ཀུན་རྫོབ་དུ། མིག་ལ་གང་ནང་གཟུགས་བརྗོད་པ། འཇིག་རྟེན་དག
231a7 ན་ལོག་པ་ཡི། ང་རྒྱལ་ཅན་དག་བདེན་སྙམ་འམ། གང་ལ་རྣམ་པར་འདྲེན་པ་ཡིན། འདུས་ཚོགས་ལྟ་བར་བཤད་པ་ཡིན། དེ་ལ་བློ་དང་ལྡན་པ་རྣམས།།
231a8 དོན་དམ་གདགས་པ་ཡིས་ཤེས་སྨྲ། མིག་གིས་གཟུགས་རྣམས་མི་མཐོང་ཞིང་། ཡིད་ཀྱིས་ཆོས་རྣམས་མི་ཤེས་པ། དེ་ནི་མཆོག་གིས་བདེན་པ་སྟེ། དེ་ལ་འཇིག
iiif viewer powered by OpenSeadragon
