| e-texts navigator |
| Wylie |
230a1 བུད་མེད་དང་། འགྲོགས་པ་རྨིས་པ་ལས་དྲན་པར་གྱུར་པ་དེ། མཁས་པའི་རང་བཞིན་ཅན་ཡིན་ནམ། གསོལ་པ་བཅོམ་ལྡན་འདས
230a2 མ་ལགས་སོ།། དེ་ཅིའི་སླད་དུ་ཞེ་ན། བཅོམ་ལྡན་འདས་གཉིད་ལྡོག་པའི་རྨི་ལམ་གྱི་སྐྱེ་བོ་བཟང་མོའི་བུད་མེད་ནི། ཤིན་ཏུ་མ་མཆིས་ཤིང་མི་དམིགས་པ་ལགས་ན།
230a3 དེ་དང་ཀུན་སྤྱོད་པ་ལྟ་ག་ལ་མཆིས་ཏེ། སྐྱེ་བོ་མི་བདེ་ཞིང་ཉམ་ཐག་པའི་ཕྱོགས་སུ་འགྱུར་རོ།། བཅོམ་ལྡན་འདས་ཀྱིས་བཀའ་སྩལ་པ། རྒྱལ་པོ་ཆེན་པོ་དེ་དེ་བཞིན
230a4 ཏེ། སོ་སོའི་སྐྱེ་བོ་ཐོས་པ་དང་མི་ལྡན་པ། མིག་གིས་ཡིད་བདེ་བ་གནས་པར་འགྱུར་བའི་གཟུགས་རྣམས་མཐོང་ནས་མངོན་པར་ཆགས་ནས་ལུས་དང་། ངག་དང
230a5 ཡིད་ཀྱིས། འདོད་ཆགས་ལས་སྐྱེས་པ། ཞེ་སྡང་ལས་སྐྱེས་པ། གཏི་མུ་ལས་སྐྱེས་པའི་ལས་མངོན་པར་འདུ་བྱེད་དོ།། ལས་དེ་ཡང་མངོན་པར་འདུ་བྱས་ནས།
230a6 འགག་གོ།། འགགས་ཀྱང་ཤར་ཕྱོགས་ལ་རྟེན་ཅིང་གནས་པ་མ་ཡིན། ལྷོ་དང་ནུབ་དང་བྱང་དང་། སྟེང་དང་འོག་དང་། ཕྱོགས་མཚམས་ལ་རྟེན་ཅིང་གནས་པ་ཡང་མ
230a7 ཡིན་ཏེ། ཇི་ཙམ་དུས་གཞན་ཞིག་ན། འཆི་བའི་དུས་ཀྱི་ཚེ། སོ་སོར་ཉེ་བར་གནས་ཏེ། རྣམ་པར་ཤེས་པ་ཐ་མ་འགག་པ་ན། འདི་ལྟ་སྟེ། གཉིད་ཀྱིས་ལོག
230a8 པ་ལས་སད་དེ། སྐྱེ་བོ་བཟང་མོའི་བུད་མེད་དྲན་བཞིན་དུ། ལས་དེ་ཡིད་ལ་མངོན་དུ་འགྱུར་རོ།། རྒྱལ་པོ་ཆེན་པོ་དེ་ལྟར་ན། རྣམ་པར་ཤེས་པ་ཐ་མ་འགག་ལ།
iiif viewer powered by OpenSeadragon
