| e-texts navigator |
| Wylie |
229b1 ཀ་ལན་འདའ་ག་གནས་པ་གང་ན་བ་དང་། བཅོམ་ལྡན་འདས་ག་ལ་བ་དེར་སོང་སྟེ་བྱིན་ནས། བཅོམ་ལྡན་འདས་ཀྱི་ནབས་ལ་མགོ་བོས་ཕྱག་འཚལ་ཏེ། ལན་གསུམ
229b2 བསྐོར་བ་བྱས་ནས་ཕྱོགས་ཅིག་ཏུ་འདུག་གོ།། ཕྱོགས་གཅིག་ཏུ་འདུག་ནས། ཡུལ་མཉམ་དཀའི་རྒྱལ་པོ་མཁས་ལྡན་གཟུགས་ཅན་སྙིང་པོས། བཅོམ་ལྡན་འདས
229b3 ལ་འདི་སྐད་ཅེས་གསོལ་ཏོ།། བཅོམ་ལྡན་འདས་ཇི་ལྟར་ན་ལས་བགྱིས་ཤིང་བསགས་པ་འགགས་ནས། ཡུན་རིང་དུ་ལགས་པ། འགུམ་ཀའི་དུས་ཀྱི་ཚེ་སོ་སོར
229b4 ཉེ་བར་གནས་ཤིང་མངོན་སུམ་དུ་འགྱུར་ལགས། ཇི་ལྟར་ན་འདུ་བྱེད་ཐམས་ཅད་སྟོང་པ་ལ། ལས་ཆབ་མི་འཚལ་བར་གདའ། དེ་སྐད་ཅེས་གསོལ་བ་དང་།
229b5 བཅོམ་ལྡན་འདས་ཀྱིས་ཡུལ་མཉམ་དཀའི་རྒྱལ་པོ་མཁས་ལྡན་གཟུགས་ཅན་སྙིང་པོ་ལ་འདི་སྐད་ཅེས་བཀའ་བསྩལ་ཏོ།། རྒྱལ་པོ་ཆེན་པོ་འདི་ལྟ་སྟེ་དཔེར་ན།
229b6 སྐྱེས་བུ་ཞིག་གཉིད་ལྡོག་པའི་རྨི་ལམ་ན། སྐྱེ་བོ་བཟང་པོའི་བུད་མེད་དང་ལྷན་ཅིག་ཀུན་དུ་སྤྱོད་པ་རྨིས་ནས་དེ་གཉིད་ལོག་པ་དེ་ལས་སད་ཀྱང་། སྐྱེ་བོ་བཟང་པོའི
229b7 བུད་མེད་དྲན་པར་གྱུར་ན། རྒྱལ་པོ་ཆེན་པོ་འདི་ཇི་སྙམ་དུ་སེམས། རྨི་ལམ་གྱི་སྐྱེ་བོ་བཟང་མོ་བུད་མེད་དེ་ཡོད་པ་ཡིན་ནམ། གསོལ་པ་བཅོམ་ལྡན་འདས་མཆིས
229b8 པ་མ་ལགས་སོ།། བཅོམ་ལྡན་འདས་ཀྱིས་བཀའ་སྩལ་པ། རྒྱལ་པོ་ཆེན་འདི་ཇི་སྙམ་དུ་སེམས། སྐྱེས་བུ་གང་གཉིད་ཀྱིས་ལོག་པའི་རྨི་ལམ་ན་སྐྱེ་བོ་བཟང་མ
iiif viewer powered by OpenSeadragon
