| e-texts navigator |
| Wylie |
134b1 པའི་དགེ་བའི་རྩ་བ་དང་། དམ་པའི་ཆོས་རྣམ་པར་འབྱེད་པའི་དགེ་བའི་རྩ་བ་དང་། རྗེས་སུ་ཡི་རང་བ་དང་། འབོལ་བ་དང་། བཤགས་པ་དང་ལྡན་པ་དང་། ཕྱག་འཚལ་བ་དང་།།
134b2 མཆོད་པ་དང་ལྡན་པ་དང་། བྱིས་པ་ནས་གཟུང་ནས་ད་ལྟར་འམ། སྐྱེ་བ་ཐོག་མ་དང་མ་མཆིས་པའི་འཁོར་བ་ནས་འཁོར་བའི་སྐྱེ་གཞན་དག་ཏུ་བསགས་པ་ནས། ཕུང་པོ་ལྷག་མ
134b3 མེད་པའི་མྱ་ངན་ལས་འདས་པའི་མཐའི་བར་གང་ལགས་པ་དེ་དག། སེམས་ཅན་ཐམས་ཅད་དང་ཐུན་མོང་དུ་བགྱིས་ནས། མཆོག་དང་།། གཙོ་བོ་དང་། གྱ་ནོམ་པ་དང་། རབ་དང་ཕུལ
134b4 དང་། བླ་ན་མ་མཆིས་པ་དང་། གོང་ན་མ་མཆིས་པ་དང་། གོང་མའི་ཡང་གོང་མ་དང་། མཉམ་པ་མ་མཆིས་པ་དང་། མི་མཉམ་པ་མ་མཆིས་པ་དང་། དམིགས་པ་མ་མཆིས་པ་དང་།།
134b5 རྣམ་པར་རྟོག་པ་མ་མཆིས་པ་དང་། མཚན་མ་མ་མཆིས་པ་དང་། སྤྲོས་པ་མ་མཆིས་པ་དང་། ཡིག་གེ་མ་མཆིས་དང་། ཉོན་མོངས་པ་མ་མཆིས་པ་དང་། ཆགས་པ་མ་མཆིས་པ
134b6 ནམཁའ་ལྟར་མཉམ་པ་དང་། ལུས་དང་སེམས་གྲོལ་བ་དང་། རྣམ་པ་ཐམས་ཅད་ཀྱི་མཆོག་དང་ལྡན་པའི་སྟོང་པ་ཉིད་ཡོངས་སུ་བསྔོ་བར་བགྱིའོ།། ཇི་ལྟར་འདས་པ་དང་། མ་འོངས་པ
134b7 དང་། ད་ལྟར་བྱུང་བའི་སངས་རྒྱས་བཅོམ་ལྡན་འདས་དང་། བྱང་ཆུབ་སེམས་དཔའ་དེ་རྣམས་ཀྱིས་གཉིས་སུ་མེད་པའི་ཆོས་མངོན་དུ་མཛད་ནས་ཡོངས་སུ་བསྔོས་པ་དང་། ཡོངསུ་བསྔོ།
134b8 བ་དང་། ཡོངས་སུ་བསྔོ་བར་འགྱུར་བ་དེ་ལྟར་བདག་གིས་ཀྱང་ཡོངས་སུ་བསྔོ་བར་བགྱིའོ།། དེ་ལྟར་ཆོས་ཉིད་དེ་དང་། ཇི་ལྟར་དེ་བཞིན་ཉིད་དེ་དང་། ཇི་ལྟར་ཡང་དག་པའི་མཐའ་དེ་ད
iiif viewer powered by OpenSeadragon
