| e-texts navigator |
| Wylie |
107b1 སྲོག་མེད་པ། སྐྱེ་བ་དང་། འཆི་བ་དང་བྲལ་བ། གང་ཟག་མེད་པ། སྔོན་གྱི་མཐའ་ཉེ་བར་ཞི་བའི་མཚན་ཉིད་དང་ལྡན་པ། འདོད་ཆགས་དང་བྲལ་བ། དམིགས་པ་མེད་པའི
107b2 ཚུལ་དང་། ཡི་གེ་མ་ཡིན་པ། ངག་ཐམས་ཅད་པ། བརྗོད་དུ་མེད་པ། རྦ་བརླབས་ཅད་དང་བྲལ་བ། ཐམས་ཅད་ཀྱི་རྗེས་སུ་འགྲོ་བ། ནམ་མཁའ་དང་འདྲ་བ། ཁ་དོག
107b3 མེད་པ། རྟགས་དང་དབྱིབས་དང་། རྒྱུ་བ་ཐམས་ཅད་དང་བྲལ་བ། བདག་མེད་པ། བདག་ཏུ་འཛིན་པ་དང་བྲལ་བ། རྣམ་པར་རིག་པ་མེད་པ། སེམས་དང་ཡིད་དང་རྣམ
107b4 པར་ཤེས་པ་དང་བྲལ་བ། ཟླ་མེད་པའི་ཕྱིར་འདྲ་བ་མེད་པ། རྒྱུའི་མཚན་ཉིད་དང་བྲལ་བ། རྐྱེན་གྱིས་སྒྲོ་བཏགས་པ་མེད་པ། ཆོས་ཀྱི་དབྱིངས་དང་མཉམ་པ། ཆོས
107b5 ཐམས་ཅད་མཉམ་པར་གཞག་པ། འགྲོ་བ་མེད་པའི་ཚུལ་གྱིས་དེ་བཞིན་ཉིད་ཀྱི་རྗེས་སུ་སོང་བ། ཤིན་དུ་གཡོ་མེད་པའི་ཕྱིར། ཡང་དག་པའི་མཐའ་ལ་གནས་པ།
107b6 ཡུལ་དྲུག་ལ་གནས་པ། མེད་པའི་ཕྱིར་མ་གཡོས་པ། གནས་མེད་པའི་ཕྱིར་གར་ཡང་འོང་བ་དང་འགྲོ་བ་མེད་པ་སྟོང་པ་ཉིད་ལ་མཉམ་པར་གཞག་པ། མཚན་མ་མེད
107b7 པས་རབ་ཏུ་ཕྱེ་བ། སྨོན་པ་མེད་པའི་མཚན་ཉིད་ཅན་རྟོག་པ་དང་། སེལ་བ་དང་བྲལ་བ། གཞག་པ་དང་གདེག་པ་མེད་པ། སྐྱེ་བ་དང་། འཇིག་པ་དང་བྲལ་བ། ཀུན་བཅི
107b8 མེད་པ། མིག་དང་། རྣ་བ་དང་། སྣ་དང་། ལྕེ་དང་། ལུས་དང་། ཡིད་ལས་ཡང་དག་པར་འདས་པ། མཐོ་བ་མེད་ཅིང་དམའ་བ་མེད་པ། གཡོ་བ་མེད་པར་གནས
iiif viewer powered by OpenSeadragon
