| e-texts navigator |
| Wylie |
194b1 པོའི་བསོད་ནམས་ཇི་ལྟར་སྐྱེས་བཀའ་སྩལ་དུ་གསོལ། བཀའ་སྩལ་པ། སངས་རྒྱས་ཀྱི་ཡུལ་འདི་ནི་བསམ་གྱིས་མི་ཁྱབ་པའི་ཕྱིར། ཉན་ཐོས་དང་། རང་སངས་རྒྱས་ཐམས།
194b2 ཅད་ཀྱིས་ཀྱང་། མདོ་སྡེ་འདིའི་མིང་ཡང་ཚིག་ཙམ་ཡང་མཉན་པ་རྣམས་ལ་བརྗོད་པར་མི་ནུས་སོ།། དེ་ནས་བཅོམ་ལྡན་འདས་ལ་ལྷག་དང་མི་དང་ལྷ་མ་ཡིན་རྣམས་ཀྱིས་ཚིག་མཐུན
194b3 པར་ཚིགསུ་བཅད་གསོལ་པ། སངས་རྒྱས་བསམ་ཡས་ཆོས་གསུངས་པ།། ཆོས་དང་དགེ་འདུན་རྟག་ཏུ་ཁྱེད་ལ་རྟེན།། དེའི་ཕྱིར་དགེ་སློང་འོད་སྲུང་ཀུན་དགའ་བའོ།། མ་མཆིས
194b4 དུ་མཚོན་པོ་བཞི་ནས་པར་གསོལ།། པེ་དེ་ཧ་རས་རྒྱལ་པོ་མ་སྐྱེས་སྒྲ།། ཁྱོད་ཀྱི་འཛའ་མཆོག་ཐུགས་འདྲ་ཆེ་བ་དང་།། ད་དུང་མ་མཆིས་མཐར་ཐུག་ཁྱོད་མ་གཤེགས།། ཀུན་མཁྱེན
194b5 ཁྱོད་ཀྱིས་བདག་ཅག་ཐེ་ཙོམ་ཆོད།། དེ་ནས་བཅོམ་ལྡན་འདས་ཀྱིས་དེ་དག་ལ་འདི་སྐད་ཅེས་བཀའ་སྩལ་ཏོ།། ངའི་སྲས་མཆོག་མཐུ་བོ་འོད་སྲུངས་དང་།། བློ་ལྡན་ཀུན་དགའ་བོ་ཁྱོད
194b6 ཀྱིས་ཐེ་ཙོམ་གཅོད།། ཁྱོད་ཀྱི་ངའི་ཞལ་ལྟོས་རྟག་པ་དང་། མི་རྟག་ཤེས་བྱོས་མྱ་ངན་མ་བྱེད་ཅིག། དེ་ནས་འཁོར་དེ་དག་ཐམས་ཅད་ཀྱིས་བཅོམ་ལྡན་འདས་ལ་མཆོད་པ་བྱས་ཏེ།
194b7 བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སྨོན་ལམ་བཏབ་ནས། དེར་སེམས་ཅན་གང་གའི་ཀླུང་སྟོང་ཕྲག་དཀྲིག་སྙེད་ཀྱི་བྱེ་མའི་གྲངས་སྙེད་ཀྱིས་སེམས་བསྐྱེད་ནས།
194b8 བྱང་ཆུབ་སེམས་དཔའི་ས་དང་པོའི་གནས་ཐོབ་པོ།། དེ་ནས་བཅོམ་ལྡན་འདས་ཀྱི་འཇམ་དཔལ་གཞོན་ནུར་གྱུར་པ་དང་། བྲམ་ཟེ་ཆེ་ཞིང་མཐོ་བ་འོད་སྲུངས་ཆེན་པོ་དང་རུས་ཅིག
iiif viewer powered by OpenSeadragon
