| e-texts navigator |
| Wylie |
194a1 མེད་པར་དོན་དང་། འགལ་བ་སྟོན་པར་མི་མཛད་དེ། འདུལ་བར་བྱ་བའི་དབང་གིས། རྒྱུ་དང་བཅས། རྐྱེན་དང་བཅས་པར་སྟོན་པར
194a2 ཤེས་པར་གྱིས་ཤིག། འཇིག་རྟེན་ལས་འདས་པའི་ཆོས་ནི་མཆོག་ཏུ་བདེ་བ་ཡིན་ནོ།། ཚིགས་སུ་བཅད་པ་འདི་ནི། གྲོང་ཁྱེར་གྱེན་དུ་རྒྱལ་ཞེས་བྱ་བའི་བྲམ་ཟེ་ལུག་དཔལ་ཞེས
194a3 བྱ་བ་ལས་བརྩམས་ནས། བསྟན་པ་ཡིན་ཏེ། བྲམ་ཟེ་ལུག་དཔལ་ཞག་བཞི་པའི་བསྙུང་བ་བྱེད་ཅིང་དེའི་ཐད་དུ་འོངས་ནས་སངས་དེའི་ཞག་བཞི་པའི་སྨང་བའི་ལྟ་བ་བསལ་བའི
194a4 ཕྱིར། སེམས་ཅན་ཐམས་ཅད་ཟས་ལ་རྟེན། ཅེས་བྱ་བའི་ཚིགསུ་བཅད་པ་འདི་བསྟན་ཏེ།། དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་སེམས་དཔའ་ཆེན་པོ་འོད་སྲུང
194a5 དང་རུས་གཅིག་པས་འདི་སྐད་ཅེས་གསོལ་ཏོ།། བཅོམ་ལྡན་འདས་ཐམས་ཅད་མ་ལུས་པ་ཇི་ལྟ་བུ་ལགས་སོ།། ཐམས་ཅད་ཅེས་བྱ་བ་ཡང་ཇི་ལྟ་བུ་ལགས། བཀའ་སྩལ་པ།
194a6 མ་ལུས་པའི་དོན་ནི་དགེ་བའི་ཆོས་ཐམས་ཅད་རྟག་པ། བདེ་བ་ཞེས་བྱ་བ་ལྟ་བུའོ།། དེ་ལྟར་ན་ཁ་ཅིག་ནི་ལྷག་མ་ཡོད་པའོ།། ཁ་ཅིག་ནི་ལྷག་མ་མེད་པ་ཡིན་པར་ཆོས་འདོད་པའི
194a7 རིགས་ཀྱི་བུས་རིགས་པར་བྱའོ།། གསོལ་པ། ཀྱེ་མ་དེ་བཞིན་གཤེགས་པ་ནི་སེམས་ཅན་ཐམས་ཅད་ལ་སྒྲ་གཅན་ཟིན་བཞིན་དུ་གཟིགས་པ་ལགས་ཏེ། བདག་ཤིན་ཏུ་རང་ལགས
194a8 སོ། བཀའ་སྩལ་པ། རིགས་ཀྱི་བུ་ལེགས་སོ་ལེག་སོ།། དེ་ལྟར་ཆ་ཕྲ་བར་རྟག་དགོས་སོ།། གསོལ་པ། བཅོམ་ལྡན་འདས་ད་ནི་ཡོངས་སུ་མྱ་ངན་ལས་འདས་པ་ཆེན་པོའི་མདོ་ཆེན
iiif viewer powered by OpenSeadragon
