| e-texts navigator |
| Wylie |
145b1 བདག་དེའི་རང་བཞིན་ནི་མི་ཤེས་སོ།། དེ་ལྟར་བྱང་ཆུབ་སེམས་དཔའི་ཚིག་ཐོས་ནས་ལོག་པར་བཟུང་སྟེ། རལ་གྲི་ར་རུ་འདྲ་བ་བཞིན་དུ། རྣམ་པ་མང་པོར་རྟོག་པར་བྱེད་དོ།།
145b2 འཇིག་རྟེན་པ་རྣམས་སྐྱེས་བུ་མཐེ་བོ་ཙམ་ཞེས་བྱ་བ་དང་ལྡུམ་བུ་ཤ་མ་ཀའི་འབྲས་བུ་ཙམ་དང་། འབྲས་ཀྱི་འབྲུ་ཙམ་ཞིག་སྙིང་ལ་གནས་ཏེ་འབར་རོ་སྙམ་ལོག་པར་རྟོག་པར་བྱེད།
145b3 དེ་དག་གི་ལྟ་བ་ལོག་པར་ལྟ་བ་གཅིག་ནས་གཅིག་ཏུ་བརྒྱད་དེ་འོངས་པ་ཡིན་ཏེ། དོན་འགྱུར་བ་དང་། བདེ་བར་ལྟུང་འགྱུར་བ་ཡིན་ནོ།། དེ་བས་ན་ངས་བདག་མེད་པར་བསྟན
145b4 ཏོ།། འོན་ཏེ་ཀྱང་ད་དུང་ཡང་འཇིག་རྟེན་པ་རྣམས་བདག་ཡོད་དོ་སྙམ་དུ་ལོག་པར་བྱེད་དོ།། རིགས་ཀྱི་བུ་དེ་བས་ན་ཡང་ངའི་བསྟན་པ་ལས། རལ་གྲི་ཡང་དག་དང་བར་བདག
145b5 ནི་འདི་ལྟ་བུ་ཞིག་གོ་ཞེས། དེ་བཞིན་གཤེགས་པའི་སྙིང་པོ་ངས་བཤད་པར་བྱའོ།། ལེགས་པར་སྨྲས་པའི་ཆོས་དང་འཚམས་པ་གང་ཡིན་པ་དེ་ནི། འཇིག་རྟེན་པ་རྣམས་ཀྱི་ཡིན
145b6 ན་ཡང་འཇིག་རྟེན་ལས་འདས་པ་ཡིན་པར་རིག་པར་བྱའོ།། འཇིག་རྟེན་པའི་ནང་ན་རྣམ་པར་ཐམས་ཅད་དུ་ཆོས་ཀྱི་མཆོག་ནི། བྱང་ཆུབ་སེམས་དཔའ་སྤྲུལ་པ་ཡིན་པར་བྱས་ཏེ།
145b7 བསྟན་འཆོས་སམ། རིགས་སྔགས་ཅི་ཡང་རུང་བ་དེ་དག་ཐམས་ཅད་ནི། རྫོགས་པའི་སངས་རྒྱས་ཀྱིས་གསུངས་པ་ཡིན་པར་ཤེས་པར་གྱིས་ཤིག། གསོལ་པ། བཅོམ
145b8 ལྡན་འདས་ཀྱིས་ཡི་གེའི་ཕྱི་མེ་ཇི་ལྟར་བསྐུལ་ལགས། བཅོམ་ལྡན་འདས་ཀྱིས་བཀའ་སྩལ་པ། ཡི་གེའི་ཕྱི་མོ་ཐམས་ཅད་ནི་ཐོག་མར་ཡི་གེ་བྱེད་སྤྲུལ་ཏེ། བྱིས་པ་རྣམས་ལ
iiif viewer powered by OpenSeadragon
