| e-texts navigator |
| Wylie |
144a1 མི་མིག་ཡོད་པ་དག་གིས་བརྟགས་ན། སངས་རྒྱས་ཀྱི་སྐུ་གཟུགས་ཤིག་ཡིན་ནམ། འོན་ཏེ་རས་དམར་པོ་ཞིག་གམ། འོན་ཏེ་དབང་ཕྱུག
144a2 ཆེན་པོ་དང་། ཚངས་པའི་གཟུགས་ཤིག་སྙམ་པ་ལས། དེའི་འོག་ཏུ་བྱང་ཆུབ་སེམས་དཔའི་གཟུགས་ཡིན་པར་འོལ་ཕྱིར་མཐོང་བ་དེ་བཞིན་དུ། རིགས་ཀྱི་བུ་བྱང་ཆུབ་སེམས
144a3 དཔའ་སེམས་དཔའ་ཆེན་པོ་རྣམས་ཀྱིས་ཀྱང་། རང་གི་ལུས་ལ་དེ་བཞིན་གཤེགས་པའི་སྙིང་པོ་ཡོད་བཞིན་དུ་ཡོད་པར་འོལ་ཕྱིར་མཐོང་བར་ཟད་དོ།། རིགས་ཀྱི་བུ་དེ་ལྟར་ན། དེ་བཞིན
144a4 གཤེགས་པའི་སྙིང་པོ་ནི་མཐོང་བར་ཤིན་དུ་དཀའ་སྟེ། དེ་བཞིན་གཤེགས་པའི་ཡུལ་ཡིན་ཏེ། ཉན་ཐོས་དང་རང་སངས་རྒྱས་ཀྱི་ཡུལ་མ་ཡིན་ནོ།། རིགས་ཀྱི་བུ་དེ་ལྟར་ན་ངའི
144a5 བསྟན་པ་ནི་མཁས་པས་རིག་པར་བྱ་བ་ཡིན་ཏེ། འཇིག་རྟེན་ཐམས་ཅད་དང་མི་མཐུན་ནོ།། གསོལ་པ་གལ་ཏེ་དེ་ལྟ་ལགས་ན། ཤའི་མིག་དང་ལྡན་པ་རྣམས་ཀྱིས་ཆ་པྲ་བ་ཇི
144a6 ལྟར་བལྟ་བར་བགྱི་ལགས། བཀའ་བསྐུལ་པ། འདུ་ཤེས་མེད་མིན་ལྷ་རྣམས་ཀྱང་ཇི་ལྟ་བལྟ་བར་བྱ། འདི་ནི་སངས་རྒྱས་ཉིད་ཀྱི་ཡུལ་ཡིན་གྱི། ཉན་ཐོས་དང་རང་སངས
144a7 རྒྱས་ཐམས་ཅད་ཀྱི་ཡུལ་མ་ཡིན་ཏེ། དེ་དག་གིས་ནི་མདོ་འདི་རྗེས་སུ་མཐུན་པ་ལས་ཡིད་ཆེས་པར་བྱའོ།། དེ་ལྟར་བྱས་བཏང་དེ་དག་ཀྱང་ཡང་དག་པའི་ལྟ་བ་ཅན་དུ་འགྱུར་རོ།། །
144a8 རིགས་ཀྱི་བུ་དེ་ལྟར་ན་ཉན་ཐོས་དང་། རང་སངས་རྒྱས་ཐམས་ཅད་ཀྱིས་ཀྱང་། ཡོངས་སུ་མྱ་ངན་ལས་འདས་པ་ཆེན་པོ་འདིའི་ཚུལ་གྱིས། བདག་གི་ལུས་ལ་དེ་བཞིན་གཤེགས
iiif viewer powered by OpenSeadragon
