| e-texts navigator |
| Wylie |
145a1 སངས་རྒྱས་མྱ་ངན་ལས་འདས་ནས། ཞག་བདུན་གསུམ་ལོན་ནས་གདོད་ཚོར་རོ།། དེའི་ཚེ་རྒྱལ་པོ་ཤིན་ཀ་ཞེས་བྱ་བ་ཡང་སངས་རྒྱས་མྱ་ངན་ལས་འདྲ
145a2 ནཱ། ཞག་བདུན་གསུམ་ལོན་ནས་གདོད་ཚོར་རོ།། དེའི་ཚེ་བ་ཤ་ལ་མུ་སྟེགས་ཅན་གྱི་རྒྱལ་པོ་ཡང་སངས་རྒྱས་མྱ་ངན་ལས་འདས་ནས། ཞག་བདུན་གསུམ་ལོན་ནས་གདོད་ཚོར་ཏེ། བློན་པོའི
145a3 འཁོར་དང་བཅས་ནས་གྲོང་ཁྱེར་རྩ་མཆོག་ཏུ་ལྷགས་ཏེ། གྲོང་ཁྱེར་རྩ་མཆོག་ལ་དམག་གི་ཚོགས་གྲངས་མེད་པས་བསྐོར་ཏེ་བསྲུང་བ་དང་། སྒོ་བཞིར་ཡང་སྔགས་མཁན་གྱིས་སྲུང་བ་མཐོང་ན།
145a4 སྔགས་མཁན་ལ་འདི་སྐད་ཅེས་སྨྲས་སོ།། ཅི་སངས་རྒྱས་ཡོངས་སུ་མྱ་ངན་ལས་འདས་སམ། སྔགས་མཁན་གྱིས་སྨྲས་པ། སངས་རྒྱས་མྱ་ངན་ལས་འདས་ནས་ཞག་བདུན་བཞི་ལོན་ཏེ།
145a5 ད་ལྟར་འཁོར་མང་པོ་སྐྲ་གདུང་བགོ་བའི་ལས་བྱེད་དོ།། བདག་ཅག་གིས་སངས་རྒྱས་ཡོངས་སུ་མྱ་ངན་ལས་འདས་པ་ཡང་མ་ཚོར་ཏེ། དེ་བཞིན་གཤེགས་པའི་རིང་བསྲེལ་ལ་ཕྱག་འཚལ
145a6 དུ་འགྲོ་ན་ཁྱེད་ལམ་ཕྱེ་ཤིག་ཅེས་སྨྲས་སོ།། སྔགས་མཁན་གྱིས་རྒྱལ་པོ་གྲོང་ཁྱེར་གྱི་ནང་དུ་བཏང་ནས། ལམ་གྱི་བཞི་མདོར་སེང་གེའི་ཁྲིའི་སྟེང་ན་རིན་པོ་ཆེ་སྣ་བདུན་གྱིས་བརྒྱན་པའི་གསེ
145a7 གྱི་སྒྲོམ་བུ་རིང་བསྲེལ་བཞུགས་པ་མཐོང་བ་ཐམས་ཅད་ཀྱིས་དུས་གཅིག་ཏུ་ཕྱག་འཚལ་ཏེ། ངུས་ནས་གཡས་ཕྱོགས་ནས་ལན་བདུན་བསྐོར་ཏེ། མཆོད་པ་ཅི་འབྱོར་པས་མཆོད་པ་བྱས་སོ།།
145a8 རྒྱལ་པོས་སྨྲས་པ། བདག་ཅག་གིས་ནི་སངས་རྒྱས་མྱ་ངན་ལས་འདས་པ་ཡང་མ་ཚོར་ཏེ། དེ་བཞིན་གཤེགས་པའི་སྐུ་གདུང་ཤས་ཀྱིས་མཆོད་པའི་རྟེན་དུ་ཅི་གནང་ཞེས་གསོལ་ཏེ།
iiif viewer powered by OpenSeadragon
