| e-texts navigator |
| Wylie |
208a1 དེ་ནི་ཆོས་སྲུང་མའི་བགྱིད་ཤིན་ཏུ་དབུལ་ཞིང་དམན་པའི་མི་ཞེས་རིགས་པར་བགྱི།། དད་པས་བསམ་པ་དྲི་མ་མེད་ཅིང་རབ་བརྟན་ཚུལ་ཁྲིམས
208a2 དག་ལ་ཡང་དག་གནས། རྟག་ཏུ་ངོ་ཚ་ཤེས་ཤིང་ཁྲེལ་ཡོད་ཐོས་པ་འཛིན་ཏེ། གཏོང་ལ་དགའ་བ་དང་། ཤེས་རབ་མཐར་ཕྱིན་བློ་གྲོས་ལྡན་ཞིང་འཇིག་རྟེན་ཀུན་ལ་ལྟ
208a3 བགྱིད་པ། དེ་དག་རྟག་ཏུ་མི་དབུལ་ཐོབ་ཅིང་ཆོས་འདོད་རྣམས་ཀྱིས་མཆོད་པར་འོས་པ་ལགས།། གང་དག་ལོངས་སྤྱོད་རྣམས་ལ་རབ་ཆགས་བདེ་ལ་དགའ་ཞིང
208a4 གཏོང་བ་མ་མཆིས་ལ། ལུས་དང་སྲོག་ལ་སྙིང་པོར་འཛིན་ཅིང་རྟག་པར་སྙིང་པོར་དོན་དུ་མི་གཉེར་དང་། གང་དག་གླང་ཆེན་མྱོས་པ་ལྟ་བུར་རྟག་ཏུ་ཡིད་མྱོས་རྣམ་པར
208a5 རྒྱུ་བ་དང་། ལྷན་ཅིག་གང་དག་དྲན་པ་མ་མཆིས་དེ་དག་དབུལ་བ་ཉིད་ནི་ཐོབ་པ་ལགས། གང་དག་དཀོན་མཆོག་གསུམ་པོ་དྲི་མ་མེད་ལ་གུས་པ་ཤིན་ཏུ་ཆེ་བ་དང་།།
208a6 ལུས་དང་སྲོག་དང་ནོར་རྣམས་ལས་ནི་རྟག་ཏུ་སྙིང་པོ་སྒྲུབ་པའི་མཁས་པ་དག། རྟག་ཏུ་མི་བརྐམ་སྡང་བར་མི་བགྱིད་གླེན་པ་མ་ལགས་རབ་ཏུ་རྒྱགས་མ་མཆིས།
208a7 ལྷ་ཅིག་གང་དག་ཆོས་ཀྱིས་བརྒྱན་པ་དེ་དག་ནོར་ཆེ་སྐྱེས་བུ་དམ་པ་ལགས།། ལྷ་ཅིག་མོ་ནཱི་རྟག་ཏུ་ནགས་ཀྱི་སྨན་སྔུན་སྐམ་པ་བསྲེགས་པས་ཆོག་མ་ཙལ། ལྷན
208a8 ཅིག་འདི་ན་རྒྱ་མཚོ་ཆུ་རླུང་རྣམས་ཀྱི་ཆུ་འཛིན་པས་ཀྱང་ཆོག་མ་ཚལ།། འདི་ནི་ཉི་མ་ཟླ་བ་འདི་དག་མཁས་ལ་མཐར་ཀྱིས་རྒྱུ་བས་མཆོག་མ་ཚལ། རྒྱལ་པོ་བརྐམ
iiif viewer powered by OpenSeadragon
