| e-texts navigator |
| Wylie |
195a1 ། སེམས་རྣམས་ཀྱང་དེ་ལ་འགོད། དུས་སུ་དུས་སུ་འཕགས་པའི་ཐེག་པ་སྒོམ་ཞིང་། སེམས་ཅན་རྣམས་ཀྱང་དེ་ལ་འགོད་ལ་རྣམ་པར་གྲོལ
195a2 བ་འཕགས་པ་མངོན་སུམ་ཡང་མི་བྱེད་དོ།། གཞན་ཡང་ཐེག་པ་གསུམ་རབ་ཏུ་ཤེས་ཏེ། གསུམ་གང་ཞེ་ན། ཉན་ཐོས་ཀྱི་ཐེག་པ་དང་། རང་སངས་རྒྱས་ཀྱི་ཐེག་པ
195a3 དང་།། ཐེག་པ་ཆེན་པོ་སྟེ། དེ་དག་ནི་ཐེག་པ་གསུམ་ཞེས་བྱའོ།། མོས་པ་དམན་པ་དང་། དབང་པོ་དམན་པ་སྐད་ཅིག་ཙམ་ཡང་སྲིད་པ་ལ་མོས་པར་མི་བྱེད། སྲེད་པར
195a4 མི་བྱེད་དང་འདོར་ཏེ་སྐད་དེ་མ་ཐག་ཏུ་མྱ་ངན་ལས་འདས་པ་ཐོབ་པའི་ཕན་ཡོན་མཐོང་ནས། མགོ་དང་གོས་ལ་མེ་འབར་བ་བཞིན་དུ་འཕགས་པའི་བདེན་པ་བཞི་པོ
195a5 དག་ཁོང་དུ་ཆུད་པ་དང་རྟོགས་པར་བྱ་བའི་ཕྱིར་འདུན་པ་དང་། རྩོལ་བའི་ཤས་ཆེ་བ་དེ་ནི་ཉན་ཐོས་ཀྱི་ཐེག་པ་ཞེས་བྱའོ།། མོས་པ་འབྲིང་དང་། དབང་པོ་འབྲིང།
195a6 དང་། དབེན་པར་དགའ་བ་དང་། རང་གི་དོན་ལྷར་ལེན་པ་དང་། བསམ་གཏན་དང་། སྙོམས་པར་འཇུག་པ་ལ་གནས་པར་བརྩོན་པ་དང་། རྟེན་ཅིང་འབྲེལ་བར
195a7 འབྱུང་བ་ལ་རབ་ཏུ་རྣམ་པར་འབྱེད་པ་ལ་མཁས་པ་དང་། རང་བྱང་ཆུབ་ཏུ་སྨོན་པ་དང་། རང་བྱང་ཆུབ་ཏུ་སྨོན་ལམ་འདེབས་པ་དེ་ནི་རང་སངས་རྒྱས་ཀྱི་ཐེག་པ
195a8 ཞེས་བྱའོ།། མོས་པ་ཁྱད་པར་དུ་འཕགས་པ། སེམས་ཅན་ཐམས་ཅད་བསྒྲལ་བ་དང་། སེམས་ཅན་ཐམས་ཅད་དབུགས་དབྱུང་བ་དང་། ཐམས་ཅད་མཁྱེན
iiif viewer powered by OpenSeadragon
