| e-texts navigator |
| Wylie |
194a1 ཡོང་པ་མ་ཡིན་པ་སྟེ། དེ་ནི་ད་ལྟར་བདག་མེད་པ། བདག་གི་མེད་པའོ།། གང་ད་ལྟར་བྱུང་བའི་དུས་ཀྱི་ཕུང་པོ་དང་། ཁམས་དང་སྐྱེ་མཆེད་དེ་ནི་མི
194a2 གནས་པ་མི་འདུག་པའོ།། དེ་ཅིའི་ཕྱིར་ཞེ་ན། འཇིག་རྟེན་ནི་སྐད་ཅིག་ལས་ལྷག་པར་མི་གནས་པའི་ཕྱིར་རོ།། སྐད་ཅིག་ལ་དེའི་སྐྱེ་བའི་དུས་ཀྱང་གཞན་གནས་པའི
194a3 དུས་ཀྱང་གཞན། འགགས་པའི་དུས་ཀྱང་གཞན་གང་ཡིན་པའི་སྐད་ཅིག་དེ་ནི་གནས་མེད་པ། འདག་པ་མེད་པའོ།། སྐད་གཅིག་གིས་དུས་གང་ཡིན་པ་དེ་ནི་ནང
194a4 དང་། ཕྱིའི་ཕུང་པོ་དང་། ཁམས་དང་སྐྱེ་མཆེད་དོ།། ནང་དང་ཕྱིའི་ཕུང་པོ་དང་། ཁམས་དང་སྐྱེ་མཆེད་གང་ཡིན་པ་དེ་ནི་དུས་སོ།། ད་ལྟར་བྱུང་བའི་ཕུང་པོ་དང
194a5 ཁམས་དང་། སྐྱེ་མཆེད་གང་ཡིན་པ་དེ་ནི་སྐད་ཅིག་ཙམ་ཡང་མི་གནས་པ་མི་འདུག་པ་སྟེ། མི་གནས་པ་མི་འདུག་པ་ལ་ནི་བདག་གམ། བདག་གི་མེད་པའོ།།
194a6 དེ་གང་གི་ཚེ་མ་འོངས་པར་གྱུར་པ་དེའི་ཚེ་མ་སྐྱེས་པ་མ་བྱུང་བ། ཡོད་པ་མ་ཡིན་ནོ།། བདག་ཏུ་མ་གྱུར་ཅིང་བདག་གིར་མ་གྱུར་པའོ།། གང་གི་ཚེ་འདས་ཏེ་འགས
194a7 པ་དང་། མ་བྱུང་སྟེ་ཡོད་པ་མ་ཡིན་པར་འགྱུར་བ་དེའི་ཚེ་ཡང་བདག་མེད་པ་དང་། བདག་གི་མེད་པ་ཉིད་འགྱུར་རོ།། གང་དུས་གསུམ་དག་ཏུ་བདག་མེད་ཅིང
194a8 བདག་གི་མེད་པ་དེ་ནི་མ་བྱུང་ཞིང་ཡོད་པ་མ་ཡིན་པའི་ཕྱིར་མཁས་ཤིང་རིག་པ་རྣམས་ཀྱིས་འདི་ནི་བདག་གིའོ།། འདི་ནི་ངའོ།། བདག་གི་འདི་ནི་ཡོད་དོ་ཞེས
iiif viewer powered by OpenSeadragon
