| e-texts navigator |
| Wylie |
12a1 དག་སེལ་དུ་བཅུག་ཅིང་། ཙན་དན་གྱི་ཆུས་ཆག་ཆག་བཏབ། མེ་ཏོག་སྣ་ཚོགས་བཀྲམ། པོག་པོར་ནས་དྲི་དུ་མས་གདུགས། རྒྱལ་མཚན་དང་།
12a2 བ་དན་བསྒྲེང་། དར་གྱི་ཆུན་པོ་དང་ལྡ་ལྡི་ཡང་བརྐྱང་། ཟོང་འགྲམ་པའི་ཚོང་སྲང་དག་ཀྱང་བྱེད་དུ་བཅུག་ནས། སྒོ་བཞི་མུདྨོའི་དབུས་སུ་སྦྱིན་པ་དག་སྦྱིན། བསོད་ནམས
12a3 དག་ནི་བྱེད་དེ། ཟས་འདོད་པ་རྣམས་ལ་ནི་ཟས། སྐོམ་འདོད་པ་རྣམས་ལ་ནི་སྐོམ། གོས་འདོད་པ་རྣམས་ལ་ནི་གོས། ཕྲེང་བ་དང་སྤོས་དང་། བྱུག་པ་འདོད་པ་རྣམས
12a4 ནི། ཕྲེང་བ་དང་སྤོས་དང་བྱུག་པ་རྣམས་སོ།། ཉི་མ་བདུན་གསུམ་ཉི་ཤུ་གཅིག་ཏུ་སྦྱིན་པ་རྣམ་པ་མང་པོ་དེ་ལྟ་བུ་དག་ནི་བྱིན། བསོད་ནམས་དག་ནི་བྱས་ནས། ཉིད་རྣམ
12a5 ཚོགས་ཤིང་འདས་ཏེ། འདི་ལྟར་ཁྱེའུ་འདི་ལྗོན་ཤིང་ནྱ་གྲོ་དྷི་ལ་གསོལ་བ་བཏབ་སྟེ། རྙེད་པས་དེའི་ཕྱིར་ཁྱེའུའི་མིང་ནྱ་གྲོ་དྷ་སྐྱེས་ཞེས་གདགས་སོ།། ཞེས་མིང་བཏགས
12a6 སོ། བྲམ་ཟེ་རྣམས་ཀྱིས་ནི་འདི་སྐད་དུ། འདིའི་པ་ཡང་འོད་སྲུང་དང་དུས་གཅིག་པས། ཁྱེའུ་ཡི་མིང་འོད་སྲུང་དུ་གདགས་སོ་ཞེས་སྨྲས་སོ།། དེ་ལ་ཁ་ཅིག་གིས་ན་འོད་སྲུང
12a7 ཞེས་བྱ་བར་ཤེས་སོ།། ཁ་ཅིག་གིས་ནི་ནྱ་གྲོ་དྷ་སྐྱེས་ཤེས་བྱ་བར་ཤེས་སོ།། དེ་ཡང་མ་མ་བརྒྱད་པོ་པང་ན་འཚོ་བའི་མ་མ་གཉིས་དང་། ན་མ་བསྟན་པའི་མ་མ་གཉིས་དང་།
12a8 དྲི་མ་འཕྱི་བའི་མ་མ་གཉིས་དང་། རྩེད་གྲོགས་ཀྱི་མ་མ་གཉིས་ལ་གཏད་དེ། དེ་ལྕགས་ཀྱི་མདའ་ཐོགས་ཤིང་། བསྲུང་ཁུག་དང་རྨ་བྱའི་མདོངོས་མང་པོ་ཐོགས་ནས།
iiif viewer powered by OpenSeadragon
