| e-texts navigator |
| Wylie |
11a1 འདུག་ཏུ་བཅུག་སྟེ། གྲང་བ་ན་གྲང་བའི་ཡོ་བྱད་དག་དང་། དྲོ་བ་ན་དྲོ་བའི་ཡོ་བྱད་དག་དང་། སྨན་པས་བསྟན་པའི་ཁ་ཟས་དང་། བཏུང་བའི་བྱེ
11a2 བྲག་ཧ་ཅང་མི་བསིལ་བ། ཧ་ཅང་མི་དྲོག་ཧ་ཅང་མི་ཚ་བ། ཧ་ཅང་ལན་ཆ་མི་ཆེ་བ། ཧ་ཅང་མི་སྦྱར་བ། ཧཅང་མི་དང་ར་བ། ཧ་ཅང་མི་སྐ་བ། ཧ་ཅང་མི་སྣུམ་པ། ཧ་ཅང་མི
11a3 རྩུབ་པ། ཁ་བ་དང་། ཚ་བ་དང་། ལན་ཆ་དང་། སྐྱུར་བ་དང་། དང་ར་བ་དང་། བསྐ་བ་དང་། སྣོམ་པ་དང་། རྩུབ་པ་རྣམ་པར་སྤངས་པའི་ཁ་ཟས་དང་། བཏུང་བ་དག་གིས
11a4 དེ་ལ་རིམ་གྲོ་བྱེད་དུ་འཇུག་གོ།། དེ་ནས་མངལ་ན་གནས་པ་ཡོངས་སུ་བསྐྱང་བའི་ཕྱིར། འདི་ལྟར་ཆུང་མ་དེ་གོས་ཚོན་སྣ་ཚོགས་སུ་སྤེལ་བ་ནི་བསྐོན། ལག་པ་ནི་གསེར་གྱི་གདུ་བུ་དང་།
11a5 ནོར་བུ་དང་། མུ་ཏིག་གིས་གཏམས། དོ་ཤལ་དང་སེ་མོ་དོ་རྣམ་པར་འབྱུང་བ་དང་། ཟམ་པ་དང་གདུ་བུ་དང་། དཔུང་རྒྱན་དང་། རྣ་ཆ་གདུབ་འཁོར་ནི་ཐོགས། མིག་ནི་མིག་སྨན
11a6 གྱིས་བྲིས། གཞིན་ནི་དམར་རྩིའི་ཐིགས་ལེས་མཛེས་པར་བྱས། སོ་ནི་མེ་ཏོག་ཀུ་མུ་ཏ་དང་། དངུལ་དང་། ཁ་བ་དང་། མུ་ཏིག་གི་དོ་ཤལ་དང་། མེ་ཏོག་ཀུན་འདའ་དང་།
11a7 ཟླ་བ་དང་། ངང་པ་དང་། བའི་འོ་མ་དང་། དུང་དང་། པདྨའི་རྩ་བ་ལྟར་དྲི་མ་ནི་མེད། རྐེད་པ་ནི་གསེར་གྱི་འོག་པག་གིས་བཅིངས། རྐང་པ་ནི་རྐང་རྒྱན་གྱིས་མཛེས་པར་བྱས
11a8 ནས། གསེར་གྱི་མཆོད་སྡོང་མེ་ཏོག་གིས་ཀླུབས་པ་ལྟ་བུ་དེ། ལྷའི་བུ་མོ་དགའ་བའི་ཚལ་ན་རྒྱུ་བ་བཞིན་དུ། ཀླུ་དང་རོལ་མོའི་སྒྲ་བྱེད་པའི་རོལ་མོ་མཁན་དང་སྟེང་གི་ཁང་བཟང
iiif viewer powered by OpenSeadragon
