| e-texts navigator |
| Wylie |
10a1 ཀྱང་རབ་ཏུ་འབྱུང་དུ་མི་སྟེར་རོ།། དེ་ལྟ་བས་ན་བདག་ལ་བྲམ་ཟེའི་ཁྱིམ་དུ་སྐྱེ་བ་དགོས་པ་མེད་དོ།། ཚངས་པ་ཆེན་པོས་འདི་སྐད་ཅེས་སྨྲས་སོ།།
10a2 གལ་ཏེ་དེ་ལྟར་ཡིན་ན་ཡང་འོན་ཀྱང་ངས་གསོལ་བ་བཏབ་པ་བཞིན་དེར་ཉིང་མཚམས་སྦྱོར་བ་ལོང་ཤིག་དང་། དེའི་ཚེ་ངས་ཁྱོད་ཀྱི་ཕ་མ་གཉིས་ལ་དུས་དུས་བསྐལ་བར་བྱའོ།།
10a3 དེ་ནས་དེས་ཀྱང་གནང་ངོ་།། དེ་ནས་ལྷའི་བུ་བསོད་ནམས་ཀྱི་རྣམ་པར་སྨིན་པས་དབང་ཆེ་བར་གྲགས་པ། སྔོན་གྱི་སངས་རྒྱས་ལ་དགེ་བའི་རྩ་བ་སྐྱེས་པ། སྲིད་པ་ཐམ་པ།
10a4 སྤྱོད་པ་ཚོལ་བ། འཆིང་བ་ཉམས་སྨད་པ། ཐར་པའི་ཚོགས་བཟུང་བ། མྱ་ངན་ལས་འདས་པ་ལ་ཕྱོགས་པ། འཁོར་བ་ལས་ཕྱིར་ཕྱོགས་པ། སྲིད་པའི་འགྲོ་བ་ཐམས
10a5 ཅད་དུ་འཆི་འཕོ་དང་། སྐྱེ་བ་དོན་དུ་མི་གཉེར་བ། ལུས་ཐ་མ་འཛིན་པ། དེ་ལྷའི་འཇིག་རྟེན་ནས་ཤི་འཕོས་ཏེ། ཆུང་མ་དེའི་མངལ་དུ་ཉིང་མཚམས་སྦྱོར་བ་བླངས་སོ།།
10a6 འདི་ན་བུད་མེད་མཁས་པའི་རང་བཞིན་ཅན་ཁ་ཅིག་ཤེས་པར་བྱ་བའི་གནས་ལྔ་རབ་ཏུ་ཤེས་ཏེ། སྐྱེས་པ་ཆགས་པར་གྱུར་པ་ཤེས་ཤིང་། སྐྱེས་པ་ཆགས་དང་བྲལ་བ་ཤེས་པ་དང་།
10a7 དུས་ཤེས་ཤིང་ཟླ་མཚན་ཤེས་པ་དང་། མངལ་དུ་ཞུགས་པ་ཤེས་པ་དང་། གང་ལས་མངལ་དུ་ཞུགས་པ་དེ་ཡང་ཤེས་པ་དང་། ཁྱེའུ་ཤེས་ཤིང་བུ་མོར་ཤེས་པ་སྟེ། གལ
10a8 ཏེ་ཁྱེའུ་ཡིན་ན་དཀུ་གཡས་པར་རྟེན་ཅིང་འདུག་ལ། གལ་ཏེ་བུ་མོ་ཡིན་ན་དཀ་གཡོན་པར་རྟེན་ཅིང་འདུག་པའོ།། བུད་མེད་དེས་ཀྱང་ཇི་ལྟར་བདག་གི་སྐུ་གཡས་རོལ་མི
iiif viewer powered by OpenSeadragon
