| e-texts navigator |
| Wylie |
50a1 @#། །རྒྱ་གར་སྐད་དུ། བཛྲ་སཱུ་ཀྵྨ་ཨ་པྲ་ཏི་ཧ་ཏ་ནཱ་མ་དྷཱ་ར་ཎཱི། བོད་སྐད་དུ། རྡོ་རྗེ་ཕྲ་མོ་ཐོགས་པ་མེད་པ་ཞེས་བྱ་བའི་གཟུངས། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས
50a2 རྡོ་རྗེ་རིགས་པའི་ཏིང་ངེ་འཛིན་ལ་སྙོམས་པར་ཞུགས་སོ། །སངས་རྒྱས་ཀྱི་མཐུས་གསང་བ་པའི་བདག་པོ་རྡོ་རྗེ་ཧཱུ~ཾ་ཞེས་བྱ་བས་བཞིན་རབ་ཏུ་འབར་བ་བསྟན་ཏེ། བཅོམ་ལྡན་འདས་ཀྱི་ཐད་དུ་འདུག་གོ། །དེའི་ཚེ་བཅོམ་ལྡན་འདས་ཀྱི་ཐུགས་ཀྱི་སྤྲུལ་པ་ལས་བྲམ་ཟེའི་ཁྱེའུ་ཅིག་བྱུང་སྟེ།
50a3 གསང་བ་པའི་བདག་པོ་ལ་འདི་སྐད་ཅེས་སྨྲས་སོ། །གསང་བ་པའི་བདག་པོ། རིག་པའི་བདག་པོ། གཟུངས་ཀྱི་བདག་པོ། ལྷ་གནས་གསུམ་པོ་དག་ན་ལྷ་ཉམ་ཆུང་བ་དང་། ཀླུ་ཉམ་ཆུང་བ་ལ་ཟིལ་གྱིས་གནོན་པ་དྲག་པོས་རབ་ཏུ་གཞོམ་པའི་གསང་སྔགས་དང་རིག་སྔགས
50a4 གཟུངས་སྔགས་རྣམས་རབ་ཏུ་བརྗོད་དུ་གསོལ། ལག་ན་རྡོ་རྗེས་སྨྲས་པ། བྲམ་ཟེའི་ཁྱེའུ་རབ་ཏུ་ཉོན་ལ་ཡིད་ལ་ཟུང་ཤིག་དང་། ང་ཡིས་བདེ་གཤེགས་ཁྲོ་བོ་ཐམས་ཅད་ཀྱིས་རྟག་ཏུ་བརྗོད་པའི་ཡང་སྙིང་འདི་རབ་ཏུ་སྨྲས་སོ། །ན་མོ་རཏྣ་ཏྲ་ཡཱ་ཡ། ན་མ་ཤྩཎྜ་བཛྲ་པཱ་ཎ་ཡེ། མ་ཧཱ
50a5 ཡཀྵ་སེ་ནཱ་པ་ཏ་ཡེ། ཏདྱ་ཐཱ། ཨོ~ཾ་ཧཱ་ར་ཧ་ར་བཛྲ། མ་ཐ་མ་ཐ་བཛྲ། དྷུ་ན་དྷུ་ན་བཛྲ། ད་ཧ་ད་ཧ་བཛྲ། པ་ཙ་པ་ཙ་བཛྲ། དྷ་ར་དྷ་ར་བཛྲ། དཱ་ར་ཡ་དཱ་ར་ཡ་བཛྲ། དཱ་རུ་ཎ་དཱ་རུ་ཎ་བཛྲ། ཙྪིནྡ་ཙྪིནྡ་བཛྲ། བྷིནྡ་བྷིནྡ་བཛྲ་ཧཱུ~ཾ་ཕཊ། ན་མ་ཤྩཎྜ་བཛྲ་ཀྲོ་དྷཱ་ཡ། ཧུ་ལུ་ཧུ་ལུ། ཏིཥྛ་ཏིཥྛ།
50a6 བན་དྷ་བན་དྷ། ཧ་ན་ཧ་ན། ཨ་མྲྀ་ཏེ་ཧཱུ~ཾ་ཕཊ། བྲམ་ཟེའི་ཁྱེའུ་གང་ལ་ལ་ཞིག་གིས་བདེ་གཤེགས་བདུད་རྩི་འཁྱིལ་པའི་ཆ་བཟུང་སྟེ། ཁྲོ་བོ་ཐམས་ཅད་ཀྱི་རྡོ་རྗེའི་ཚིག་འདི་རབ་ཏུ་སྨྲ་ཞིང་། བ་སྤུའི་བུ་ག་ཐམས་ཅད་ནས་རྡོ་རྗེ་ཕྲ་མོ་གྲངས་མེད་པ་སྤྲུལ་ཏེ་ཕྱོགས་བཅུར་སྤྲོས་ན།
50a7 སེམས་ཅན་ཐམས་ཅད་ཀྱི་བག་ཆགས་ངན་པ་བྱང་། ཚེ་དང་བསོད་ནམས་རབ་ཏུ་རྒྱས་ཏེ། དགྲ་དང་། དུག་དང་། དུས་མ་ཡིན་པར་འཆི་བ་ལས་རྣམ་པར་ཐར་ནས། གང་ཞིག་གིས་དམིགས་པའི་རྒོལ་བ་ངན་པ་ལ་རྩི་མ་གི་ཏ་སྤྲིན་གྱིས་བཤིག་པའམ། སྐྱུ་རུ་ར་རློན་པ་གསེར
iiif viewer powered by OpenSeadragon
