| e-texts navigator |
| Wylie |
46b1 གཞོན་ནུ་འབར་བས་སྤྱི་བོ་ཚལ་བ་བདུན་དུ་འགས་སོ། །སྥོ་ཊ་ཡ་སྥོ་ཊ་ཡ། གྲ་ས་ཙྪིནད་ཙྪིན་ད། སུ་ཞིག་བདག་ལ་གཞན་གྱིས་རིག་སྔགས་དང་། བྱད་སྟེམས་བྱེད་པ་དང་། བྱེད་དུ་འཇུག་པ་དེ་དག་གི་ལུས་ལ་སླར་འགྲོ་ཞིང་སླར་འབར་བར་འགྱུར་རོ། །ག་ག་ཏེ་ཨ་ཙ
46b2 ལེ། རི་པེ་རི་པེ། པྲ་ཧ་ར་སྟམ་བྷ་ནི། པྲ་ཧ་ར་ས~ཾ་ཀ་མ་ནི། འཚོ་བའི་དབང་པོ་ལ་སྲུངས་ཤིག་སྲུངས་ཤིག་།སུ་ཞིག་བདག་ལ་བགེགས་བྱེད་པ། སྡིག་པ་ཐམས་ཅད་དུ་གདུང་བར་བྱེད་པའི་རིག་སྔགས་ཀྱི་ཕྲེང་བས་སོ། །ས་ར་ས་ར། སུ་རེ་ཎ་ཌེ་སུ་རེ་ཎ་ཌེ། རྡོ་རྗེའི་ཕོ་ཉ
46b3 མོས་ཕྱོགས་ཐམས་ཅད་བཅིང་ངོ་བཅིང་བར་བྱའོ། །ཏདྱ་ཐཱ། མོ་ཧ་ནི། ཛམྦྷ་ནི། སྟམྦྷ་ནི། ནད་ཐམས་ཅད་འཇིལ་བ། སུ་ཞིག་རིག་སྔགས་འདི་ལས་འདའ་བར་བྱེད་ན་དུག་ཆེན་པོར་འགྱུར་རོ། །གང་ཞིག་རིག་སྔགས་འདི་ལུས་ལ་འཆང་བ་དང་། ཁ་ཏོན་བྱེད་ན། དེ
46b4 ལ་ནམ་ཡང་དུག་གིས་མི་ཚུགས། མ་རུངས་པའི་གདོན་ཐམས་ཅད་ཀྱང་འདའ་བར་མི་བྱེད། ཕྲ་མེན་མ་ཐམས་ཅད་ཀྱང་འདའ་བར་མི་བྱེད། མཐོང་བ་ཙམ་གྱིས་ཀྱང་དབང་དུ་འགྱུར་རོ། །འཐབ་མོ་དང་། རྩོད་པ་ཐམས་ཅད་ལས་རྒྱལ་བར་འགྱུར་རོ། །རིག་སྔགས་འདིའི་སྟོབས
46b5 ཀྱིས་ཐམས་ཅད་སྒྲོལ་ལོ། ། མྲྀ་ཏེ་ས~ཾ་བྷ་བ་སྭཱ་ཧཱ། བདག་ལ་སྲུངས་ཤིག་སྲུངས་ཤིག་།དགྲ་ཐམས་ཅད་ཀྱི་ནང་དུ་སོང་ཡང་རུང་། འཚེ་བའི་དུས་སུ་ཡང་རུང་། དུར་ཁྲོད་དུ་སོང་ཡང་རུང་། བཙོན་རའི་ནང་དུ་སོང་ཡང་རུང་། འཇིགས་པ་ཐམས་ཅད་རབ་ཏུ་འཇིལ་བར
46b6 བྱེད་པའི་རྒྱལ་མོ་ལས་མ་འདའ་ཤིག་། ལྷ་དང་འཇིག་རྟེན་དང་བཅས་པ་དང་། བདུད་སྡེ་དང་བཅས་པ་དང་། ཚངས་པར་བཅས་པས་ཀྱང་མི་འདའ་ན་འདྲེ་གདོན་ངན་པ་ལྟ་ཅི་སྨོས། ཕྱག་ན་རྡོ་རྗེ་གནོད་སྦྱིན་གྱི་བདག་པོའི་གཟུངས་རྫོགས་།། །།
46b7 @#། །རྒྱ་གར་སྐད་དུ། ཨཱརྱ་བཛྲ་ཨ་ཛི་ཏ་ཨ་ན་ལ་པྲ་མོ་ཧ་ནཱི་ནཱ་མ་དྷཱ་ར་ཎཱི། བོད་སྐད་དུ། འཕགས་པ་རྡོ་རྗེ་མི་ཕམ་པ་མེ་ལྟར་རབ་ཏུ་རྨོངས་བྱེད་ཅེས་བྱ་བའི་གཟུངས། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད
iiif viewer powered by OpenSeadragon
