| e-texts navigator |
| Wylie |
250a1 བྱེད། །འཛོམས་པར་བྱེད། འབར་བར་བྱེད་པ་ཡིན་ཏེ། རིག་སྔགས་ལན་དྲུག་ཅུ་རྩ་གཅིག་བཟླས་བརྗོད་བྱས་ཏེ། མདུད་པ་དྲུག་ཅུ་རྩ་གཅིག་བོར་ན་སྡིག་པ་ཐམས་ཅད་རབ་ཏུ་ཞི་བར་བྱེད། རིག་སྔགས་གཅོད་པར་བྱེད་དོ། །དེ་ནས་བཅོམ་ལྡན
250a2 འདས་ལ་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། །བཅོམ་ལྡན་འདས་ལེགས་སོ། །ལེགས་པར་བཟུང་ལགས་སོ། །མདུད་པ་དོར་དུ་གསོལ། ཕྱག་རྒྱ་གཞག་པར་མཛད་དུ་གསོལ། ཀུན་དགའ་བོ་དེའི་ཕྱིར། ཏདྱ་ཐཱ། བྷ་བྷ་རེ། བྷ་རེ།
250a3 བྷ་ར་ཎི་ཧེ་ར་པྲ་ཧ་རེ། ཧ་ར་ནི། ཀུ་ཐ་ནི་ཏ་ཊི། ལིཙྪ་ད་ཏྟི། ཚངས་པས་བྱས་པའི་རིག་སྔགས་གཅད་དོ། །དབང་ཕྱུག་ཆེན་པོས་བྱས་པའི་རིག་སྔགས་གཅད་དོ། །ཁྱབ་འཇུག་གིས་བྱས་པའི་རིག་སྔགས་གཅད་དོ། །བརྒྱ་བྱིན་གྱིས་བྱས་པའི་རིག་སྔགས
250a4 གཅད་དོ། །རྒྱལ་བོ་ཆེན་པོ་བཞིས་བྱས་པའི་རིག་སྔགས་གཅད་དོ། །གནོད་སྦྱིན་གྱི་སྡེ་དཔོན་གྱིས་བྱས་པའི་རིག་སྔགས་གཅད་དོ། །ཟླ་བ་དང་ཉི་མས་བྱས་པའི་རིག་སྔགས་གཅད་དོ། །ལྷས་བྱས་པའི་རིག་སྔགས་གཅད་དོ། །གཟའ་དང་རྒྱུ
250a5 སྐར་གྱིས་བྱས་པའི་རིག་སྔགས་གཅད་དོ། །ཕྱོགས་ནས་བྱས་པའི་རིག་སྔགས་གཅད་དོ། །ཕྱོགས་མཚམས་ནས་བྱས་པའི་རིག་སྔགས་གཅད་དོ། །སྟེང་ནས་བྱས་པ་དང་འོག་ནས་བྱས་པའི་རིག་སྔགས་གཅད་དོ། །ལྷས་བྱས་པའི་རིག་སྔགས་གཅད་དོ། །ཀླུས
250a6 བྱས་པའི་རིག་སྔགས་གཅད་དོ། །གནོད་སྦྱིན་གྱིས་བྱས་པ་དང་། ནམ་མཁའ་ལྡིང་གིས་བྱས་པའི་རིག་སྔགས་གཅད་དོ། །གྲུལ་བུམ་གྱིས་བྱས་པ་དང་། ཚོར་བ་པས་བྱས་པ་དང་། དགེ་སྦྱོང་དང་། བྲམ་ཟེ་དང་། རྒྱལ་རིགས་དང་། རྗེའུ་རིགས་དང་།
250a7 དམངས་རིགས་དང་། སྐྱེས་པ་དང་། བུད་མེད་དང་། གདོལ་པས་བྱས་པ་དང་། ཀླ་ཀློ་དང་། རི་ཁྲོད་པས་བྱས་པ་དང་། སེང་གེ་དང་། སྦྲུལ་གྱིས་བྱས་པ་དང་། འགྲོ་ལྡིང་བའི་ཡིད་ཀྱིས་བྱས་པ་དང་། གཡུང་པོས་བྱས་པ་དང་། ཏོ་ས་ལ
iiif viewer powered by OpenSeadragon
