| e-texts navigator |
| Wylie |
248b1 གནོད་པ་བདུན་ཡོད་དེ། བདུན་པ་གང་ཞེ་ན། འདི་ལྟ་སྟེ། ཕྲེང་བ་འཛིན་ཅེས་བྱ་བ་དང་། ནོར་བུ་འཛིན་དང་། གཏུམ་པོ་དང་། གདོལ་བ་དང་། རྨ་བྱའི་སྙིང་དང་། ཚེ་ཟད་དང་། ལ་བ་ཅན་ཏེ། རོ་ལངས་ཆེན་པོ་བདུན་པོ་དེ་དག་ནི་སྟོབས་ཆེ་བ། གདུལ་དཀའ
248b2 བ། བསྙེན་པར་དཀའ་བ། རྫུ་འཕྲུལ་ཆེ་བ། མཐུ་ཆེ་བའོ། །ཀུན་དགའ་བོ་རོ་ལངས་རེ་རེས་ཀྱང་འདོད་ན་རྐང་པ་གཡོན་པའི་མཐེ་བོས་རིའི་རྒྱལ་པོ་རི་རབ་ཀྱང་འཕེན་ཏོ། །རིའི་རྒྱལ་པོ་རི་རབ་ཡུངས་འབྲུ་ཙམ་དུ་རྣམ་པར་འཇིག་གོ། །སྟེང་དུ་བལྟས་ནས་འགས་པར
248b3 བྱེད་དོ། །ཕྱོགས་སུ་བལྟས་ན་འཆི་བར་འགྱུར་རོ། །ཕྱོགས་མཚམས་སུ་བལྟས་ན་མེས་སྲེག་པར་བྱེད་དོ། །དེ་དག་གིས་ཁྱོད་ལ་རེག་གོ། །དེ་ལྟ་མོད་ཀྱི་དེ་བཞིན་གཤེགས་པའི་མཐུ་དང་། ཆོས་ཐོས་པའི་གུས་པ་དང་། དེ་བཞིན་གཤེགས་པའི་བྱིན་གྱིས་བརླབས
248b4 ཀྱིས་ད་དུང་དུ་ཁྱོད་ཀྱི་ལུས་འཚོ་བ་ཡིན་ནོ། །བཅོམ་ལྡན་འདས་ལེགས་པར་བསལ་དུ་གསོལ། ཕྱིར་བཟློག་ཏུ་གསོལ། ཕྱག་རྒྱ་བཅིང་དུ་གསོལ། སྐུད་པས་བཅིང་དུ་གསོལ། ཀུན་དགའ་བོ་དེའི་ཕྱིར་ལེགས་པར་རབ་ཏུ་ཉོན་ལ་ཡིད་ལ་ཟུང་ཤིག་དང་བསྟན་པར
248b5 བྱའོ། །ཏདྱ་ཐཱ། ཧ་ར། མ་ཧཱ་གཱ་རེ། གྷ་ས་ར་བ་ཏི། དྷ་ར་དྷ་རི། དྷ་ར་ཎི། ཚོ་ར་ཚོ་ར། ཎི་ཀ་རོ་ཏི་ཏི། ཀོཏྟ་ས་མཱ་དྷི་ནི། ས་མ་ར་ས་ར་ཎི། ས་ར་ན་ཀོ་ཏ་མ་ཏི། སམྦྷ་བེ། བྷ་བ་ན། ནཱ་ག་རེ། བྷ་ད་ནཱི། སཱ་དཱ་ནི་ཏི་སྭཱ་ཧཱ། ཀུན་དགའ་བོ་གཟུངས་སྔགས་ཀྱི
248b6 ཚིག་འདི་དག་ལན་ལྔ་བཅུ་རྩ་གཉིས་བཟླས་བརྗོད་བྱས་ཏེ། མདུད་པ་ལྔ་བཅུ་རྩ་གཉིས་བོར་ན་བརྗེད་བྱེད་ཐམས་ཅད་དང་། འབྱུང་པོ་ཐམས་ཅད་ཀྱི་སྙིང་ལ་གནོད་པ་བྱས་པར་འགྱུར་རོ། །གདོན་ཐམས་ཅད་ཀྱིས་བྱས་པ་ལས་ཐར་བར་འགྱུར་རོ། །བཅོམ་ལྡན་འདས
248b7 ལགས་སོ་དེ་ལྟར་མཛོད་ཅིག་། སླར་ཡང་མི་འཆི་བར་མཛད་དུ་གསོལ། ཀུན་དགའ་བོ་དེའི་ཕྱིར་ཉོན་ལ་ལེགས་པར་ཡང་ཟུང་ཤིག་།ཏདྱ་ཐཱ། བད་ཙ་ལེ་བ་ལེ། མ་ཧཱ་བད་ཙ་ལེ་བ་ལེ། བྷི་ལི་བྷི་ལི། མ་ཧྭ་བྷི་རི་ཎཱི། ནི་མི་རི་ནི། ཧ་ན་ཧ་ན་ཧ་ཏི་རི། མ་ཙ་ཐཱ།
iiif viewer powered by OpenSeadragon
