| e-texts navigator |
| Wylie |
238b1 ཡིན། ལུས་རེག་བྱ་རྣམ་པར་ཤེས་པ་ཡིན། ཡིད་བྱེ་བྲག་འབྱེད་པའི་རྣམ་པར་ཤེས་པ་ཡིན། སྔ་མ་དྲུག་ཤེས་ཤིང་འབྲེལ་པར་ཤེས་པ་ནི་ཐ་མི་དད་དེ་ཀུན་གཞི་རྣམ་པར་ཤེས་པ་དང་བརྒྱད་དོ། །རྣམ་པར་ཤེས་པ་བརྒྱད་ཀྱི་རྩ་བ་དང་། དངོས་པོ་སྟོང་ཞིང་ཞི་བ་ཡིན་ཏེ། དེར
238b2 དམིགས་ན་མིག་གི་རྣམ་པར་ཤེས་པ་ནི་སྣང་བའི་བྱང་ཆུབ་སེམས་དཔའོ། །རྣ་བའི་རྣམ་པར་ཤེས་པ་ནི་སྒྲ་གྲག་པའི་བྱང་ཆུབ་སེམས་དཔའོ། །སྣ་ནི་དྲི་སྣ་ཚོགས་འབྱེད་པའི་བྱང་ཆུབ་སེམས་དཔའོ། །ལྕེ་ནི་རོ་རྟོག་པའི་བྱང་ཆུབ་སེམས་དཔའོ། །ལུས་ནི་འཇམ་རྩུབ
238b3 འབྱེད་པའི་རྣམ་པར་སྣང་མཛད་དོ། །རྣམ་པར་སྣང་མཛད་ནི་མཆོག་།གཙང་རྣམ་པར་སྣང་མཛད་དང་། མེ་ལོང་ལྟ་བུའི་རྣམ་པར་སྣང་མཛད་དང་། འོད་རྣམ་པར་སྣང་མཛད་དང་། ཡིད་མི་གཡོ་བར་ཡང་དག་པར་ཤེས་པའོ། །སེམས་ནི་རྣམ་པར་དམིགས་པའི་དབྱིངས་སོ། །
238b4 ཀུན་གཞི་རྣམ་པར་ཤེས་པ་ཤེས་རབ་ཀྱི་ཐར་པ་ཆེན་པོ་སྟེ། སངས་རྒྱས་ཀྱི་ཆོས་སོ། །མཚན་ནི་སྟོང་པའི་མཛོད་ཅེས་བྱའོ། །མི་ལ་ལ་ཞིག་ཁྱིམ་སར་བ་བརྩིག་གམ། ཁྱིམ་སར་པར་ཞུགས་ཏེ་བཀྲ་ཤིས་པར་འདོད་ན་སྣང་བརྒྱད་ལན་གསུམ་བཀླགས་ན་བཀྲ་ཤིས་པར་འགྱུར་རོ། །
238b5 སྣང་བརྒྱད་ཡི་གེར་བྲིས*་སམ། བཀླགས་སམ། ཁ་ཏོན་དུ་བཏོན་ན། བསོད་ནམས་ཀྱི་ཕུང་པོ་དཔག་ཏུ་མེད་པ་དང་ལྡན་པར་འགྱུར་རོ། །ཆོས་ཀྱི་མདོ་འདི་བཤད་པའི་ཚེ་དགེ་སློང་ཕ་དང་། དགེ་སློང་མ་དང་། དགེ་བསྙེན་ཕ་དང་། དགེ་བསྙེན་མ་དང་། མི་དྲུག་ཁྲི་དྲུག་སྟོང
238b6 གིས་ཆོས་ཟག་པ་མེད་པའི་གཟུངས་ཐོབ་བོ། །ས་ཡང་རྣམ་པ་དྲུག་ཏུ་གཡོས་སོ། །གྲངས་མེད་པའི་ལྷ་དང་། ཀླུ་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་དང་། གནོད་སྦྱིན་དང་། མི་དང་མི་མ་ཡིན་པ་ལ་སོགས་ཏེ། ཆོས་ཀྱི་མིག
238b7 གཙང་མ་ཐོབ་བོ། །བྱང་ཆུབ་སེམས་དཔའི་ཆོས་བྱེད་དོ། །སེམས་ཅན་ཕལ་བ་བརྒྱད་ཁྲི་ཆིག་སྟོང་གིས་དགྲ་བཅོམ་པའི་འབྲས་བུ་ཐོབ་བོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་དང་། བྱང་ཆུབ་སེམས་དཔའ་བླ་ན་མེད་པ་ལ་སོགས་པ་ཐམས་ཅད་ཀྱིས་བཅོམ
iiif viewer powered by OpenSeadragon
