| e-texts navigator |
| Wylie |
238a1 སེན་མོའི་སྟེང་དུ་རྡུལ་ཆགས་པ་དང་འདྲའོ། །མི་དགེ་བ་སྤྱོད་ཅིང་དང་བྱོལ་སོང་དང་། སེམས་ཅན་དམྱལ་བ་མང་པོར་སྐྱེ་བར་འགྱུར་བ་ནི་ས་གཞི་དང་འདྲ་བར་མང་པོར་འགྱུར་རོ། །གཉེན་བྱེད་པའི་ཚེ་དང་། བུ་བཙའ་བའི་ཚེ་སྣང་བརྒྱད་ལན་གསུམ
238a2 བཀླགས་ན་དེའི་དགེ་བའི་རྩ་བ་གཅིག་གིས་གཅིག་བསྐྱེད་ནས་སྲིད་ཀྱི་སྒོ་ནི་མཐོ། མི་ནི་བཙན། བུ་ཚ་ནི་འཕན་ཞིང་མཛངས་ལ་སྲི་ཞུ་ཆེ། ལེགས་པའི་དཔལ་དང་ལྡན་པར་འགྱུར་རོ། །དེ་ནས་བྱང་ཆུབ་སེམས་དཔའ་འདི་རྣམས་བཞེངས་པའི་མཚན་ལ་བྱང་ཆུབ་སེམས་དཔའ་བླ་ན
238a3 མེད་པ་དང་། བྱང་ཆུབ་སེམས་དཔའ་དགེ་བའི་བཤེས་གཉེན་དང་། བྱང་ཆུབ་སེམས་དཔའ་སྤྱན་རྣམ་པར་དག་པ་དང་། བྱང་ཆུབ་སེམས་དཔའ་རི་བོའི་དཔལ་དང་། བྱང་ཆུབ་སེམས་དཔའ་སྐྱབས་ཆེན་དང་། བྱང་ཆུབ་སེམས་དཔའ་འཁོར་ལོའི་རྒྱལ་པོ་དང་། བྱང་ཆུབ
238a4 སེམས་དཔའ་དྲི་མ་དག་པ་དང་། བྱང་ཆུབ་སེམས་དཔའ་མཐུན་སྦྱོར་དང་བརྒྱད་ཀྱིས་བཅོམ་ལྡན་འདས་ལ་གསོལ་པ། བདག་ཅག་གི་སྔ་མ་འདས་པའི་སངས་རྒྱས་བཅོམ་ལྡན་འདས་རྣམས་ལས་ཐོས་པའི་སྔགས་ཀྱི་སྙིང་པོ་བརྗོད་ཅིང་གསོལ་ན། བྱིན་གྱིས་བརླབ་ཏུ་གསོལ།
238a5 ཨོཾ་ཨཱ་ཀ་ནི། ནི་ཀ་ནི། ཨཱ་པཱི་ལ། མན་དྷ་ལེ། མན་དྷ་ལེ་སྭཱ་ཧཱ། བཅོམ་ལྡན་འདས་ཀྱི་བཀའ་དང་གསང་སྔགས་འདི་ལས་ལོག་པ་དང་། འདའ་བ་ཞིག་མཆིས་ན་མགོ་ཚལ་པ་བདུན་དུ་འགས་ཤིང་ལུས་ཀྱི་ཡན་ལག་ཚིག་པར་འགྱུར་རོ། །ཡང་ཐོགས་པ་མེད་པའི་བྱང
238a6 ཆུབ་སེམས་དཔས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཡི་གེ་འདི་ཇི་ལྟར་སྣང་བརྒྱད་ཅེས་བགྱི། བཅོམ་ལྡན་འདས་ཀྱིས་བཀའ་སྩལ་པ། སྣང་ཞེས་བྱ་བ་ནི་མངོན་པར་ཤེས་པ་ལ། བརྒྱད་ཅེས་བྱ་བ་ནི་བྱེ་བྲག་འབྱེད་པའོ། །ཐེག་པ་ཆེན་པོའི་མདོ་བྱ་བ་བྱེད་པའི
238a7 གཞུང་སྣང་ཞིང་ཤེས་ཏེ་རྣམ་པར་ཤེས་པའི་རྒྱུ་རྐྱེན་གཅིག་གིས་གཅིག་སྟོང་པས་ཡི་གེ་དང་ཆོས་སུ་ཡོད་དེ། མིང་སྣང་བརྒྱད་ཀྱི་ཡི་གེ་ཞེས་བྱའོ། །མིག་གཟུགས་རྣམ་པར་ཤེས་པ་ཡིན། རྣ་བ་སྒྲ་རྣམ་པར་ཤེས་པ་ཡིན། སྣ་དྲི་རྣམ་པར་ཤེས་པ་ཡིན། ལྕེ་རོ་རྣམ་པར་ཤེས་པ
iiif viewer powered by OpenSeadragon
