| e-texts navigator |
| Wylie |
237b1 མི་འཕྲོག་ཅིང་། ཡེ་འདྲོག་གིས་འཆི་བར་མི་བྱེད་དོ། །དུས་ལ་བབ་སྟེ་ཤི་བར་གྱུར་ན་ཡང་སྣང་བརྒྱད་ལན་གསུམ་བཀླགས་ན་ཕྱི་མ་ལ་གནོད་པ་སྣ་གཅིག་ཀྱང་མི་འབྱུང་ངོ་། །ཉི་མ་ཐམས་ཅད་དགེ་བ་ཡིན། །རྒྱུ་སྐར་ཐམས་ཅད་བཟང་པོ་ཡིན། །དགྲ་བཅོམ་ཐམས་ཅད་ཟག་པ་ཟད། །སངས
237b2 རྒྱས་ཐམས་ཅད་རྫུ་འཕྲུལ་ཆེ། །ཤིད་བྱེད་པ་ཡང་ཡོ་བྱད་ཅི་འབྱོར་པ་དང་། ནམ་ནུས་པ་ན་སྣང་བརྒྱད་ལན་གསུམ་བཀླགས་ནས་ཤིད་བྱས་ན་ཤི་བ་ཡང་མཐོ་རིས་སུ་སྐྱེའོ། །བུ་ཚ་དང་གཉེན་རྣམས་ཀྱང་ཕྱུག་བཙན་པར་འོང་ངོ་། །མ་ཆད་པ་ཡང་ཤར་ལྷོ་ནུབ་བྱང་འདྲི་ཞིང་བརྟག་མི་དགོས་ཀྱིས།
237b3 ས་གར་བདེ་བ་དང་། མི་གར་དགའ་བར་ལྷ་བཙུན་ཡང་དེར་དགའ་ཡིས། དྷརྨ་ལན་གསུམ་བཀླགས་ཏེ་མ་ཆད་པ་དེར་བརྩིགས་ན་ནམ་དུ་ཡང་ཉེས་པ་མེད་དེ། སྒོ་ནི་ཕྱུག་མི་ནི་དར་ཞིང་བཀྲ་ཤིས་སོ། །དེའི་ཚེ་བཅོམ་ལྡན་འདས་ཀྱིས་ཚིགས་སུ་བཅད་པ་འདི་དག་གསུངས་སོ། །བཙལ
237b4 བའི་ཉི་མ་ཤིན་ཏུ་དགེ། །བདུར་བའི་ཉི་མ་ཡོངས་སུ་བཟང་། །གསོན་གཤིན་ཆེད་དུ་འདི་བཀླགས་ན། །བསོད་ནམས་ཆེན་པོ་ཐོབ་པར་འགྱུར། །ཡི་གེ་འདི་བཀླགས་ཤིང་ཤིད་བྱས་ན་ལོ་སྟོང་གི་བར་དུ་ཕྱུག་བཙན་པར་འོང་ངོ་། །དེའི་ཚེ་སེམས་ཅན་ཕལ་མང་བོ་བདུན་ཁྲི་བདུན
237b5 སྟོང་སྙེད་སེམས་ནི་གྲོལ་ཡིད་ནི་བདེ་སྟེ། ཆོས་ཀྱི་མིག་རྡུལ་མེད་ཅེས་པ་ཐོབ་ཅིང་སྤྱད་ཅིང་། ཡང་བཅོམ་ལྡན་འདས་མི་གཉེན་བགྱིད་པ་སྔར་འཕྲོད་འཕྲོད་མི་འདྲ་ལ་ཕྱིས་ཉི་མ་བདམས་ཏེ་གདོད་གཉེན་བགྱིད་ན། གཉེན་བགྱིས་པའི་འོག་ཏུ་ཕྱུག་ཅིང་བཙན་པ་ནི་ཉུང་། དབུལ་ཞིང
237b6 ཕོངས་པ་ནི་མང་། ལོག་པར་ལྟ་བར་ནི་མཚུངས་པ། ཅིའི་ཕྱིར་ན་ཐ་དད་པར་མཆིས། བཅོམ་ལྡན་འདས་ཕལ་མང་པོ་ལ་བཤད་དུ་གསོལ། དེ་ནས་བཅོམ་ལྡན་འདས་ཀྱིས་བཀའ་སྩལ་པ། གནམ་ནི་སྟངས། ས་ནི་འབྱལ། ཟླ་བ་ནི་ཕོ། ཉི་མ་ནི་མོ། གནམ་ས་གཉིས་ནི
237b7 འབྱོར་ན་རྩི་ཤིང་ཐམས་ཅད་སྐྱེའོ། །ཉི་ཟླ་གཉིས་ཉིན་རེས་ཀྱིས་འཁོར་ན་དུས་བཞི་ཚིགས་བརྒྱད་མངོན་པར་སྣང་ངོ་། །མེ་ཆུ་གཉིས་ཚོགས་ན་སྐྱེ་བ་ཐམས་ཅད་དུས་བཞིན་དུ་འབྱུང་ངོ་། །ཕོ་མོ་གཉིས་འདུམ་ཞིང་འབྱོར་ན་བུ་ཚ་མཛངས་སུ་སྐྱེའོ། །དགེ་བ་སྤྱོད་ཅིང་མི་ལུས་ཐོབ་པ་ནི
iiif viewer powered by OpenSeadragon
