| e-texts navigator |
| Wylie |
237a1 ཆོས་ཀྱི་མདོ་འདི་བཀླགས་ཤིང་རྒྱས་པར་བཤད་ན་དེ་བཞིན་གཤེགས་པའི་སྐུ་ཡིན་པར་བལྟའོ། །མིག་གིས་གཟུགས་སྣ་ཚོགས་འབྱེད་པའོ། །གཟུགས་ཉིད་སྟོང་པའོ། །སྟོང་པ་ཉིད་གཟུགས་སོ། །རྣ་བས་སྒྲ་སྣ་ཚོགས་ཐོས་པའོ། །སྒྲ་ཉིད་སྟོང་པའོ། །སྟོང
237a2 བ་ཉིད་སྒྲའོ། །སྣས་དྲི་སྣ་ཚོགས་ཚོར་བའོ། །དྲི་ཉིད་སྟོང་བའོ། །སྟོང་བ་ཉིད་དྲིའོ། །ལྕེས་རོ་སྣ་ཚོགས་འབྱེད་པའོ། །རོ་ཉིད་སྟོང་པའོ། །སྟོང་པ་ཉིད་རོའོ། །ལུས་ཀྱིས་རེག་བྱ་སྣ་ཚོགས་འབྱེད་པའོ། །རེག་བྱ་ཉིད་སྟོང་པའོ། །སྟོང་པ་ཉིད་རེག་བྱའོ། །ཡེ་ཤེས་ནི་སྟོང
237a3 པའོ། །སྟོང་བ་ཉིད་ཀྱང་ཡེ་ཤེས་སོ། །དེ་ནས་བཅོམ་ལྡན་འདས་ལ་ཐོགས་པ་མེད་པའི་བྱང་ཆུབ་སེམས་དཔས་འདི་སྐད་ཅེས་གསོལ་ཏོ། །མི་ཚེ་གཅིག་ལ་སྐྱེ་ཞིང་འཆི་བ་ལས་དཀའ་བ་མ་མཆིས་ན། སྐྱེ་བའི་ཚེ་ཡང་ཉི་མ་མ་བདམས་པར་སྐྱེ། འཆི་བའི་ཚེ་ཡང་ཉི་མ་མ་བདམས་པར
237a4 འཆི་ན་ཤི་བའི་འོག་ཏུ་ཤིང་གཏོར་བགྱིད་པའི་ཚེ་དུས་བཟང་ངན་མ་བདམས་ནས་ཤིང་བགྱིས་ན་ཉེས་པ་མང་པོ་འབྱུང་སྟེ། རབས་ཆད་པ་དང་། དབུལ་ཕོངས་པ་དང་། ཁ་མཆུ་མང་པོ་འབྱུང་ན་འདི་ཅིའི་སླད་དུ་འབྱུང་ཞེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། སེམས
237a5 ཅན་ཤིང་གཏོར་བྱེད་པའི་ཕྱིར་དྲིས་པ་ཤིན་ཏུ་དགེའོ། །ཡང་གནམ་ས་གཉིས་ནི་ཤིས། ཉི་ཟླ་གཉིས་ནི་དགེ་ཞིང་སྣང་། མིའི་རྒྱལ་པོ་བྱང་ཆུབ་སེམས་དཔའ་ནི་ཤིན་ཏུ་བྱམས་ཤིང་སྙིང་རྗེ་ཆེ་སྟེ། སེམས་ཅན་ཀུན་ལ་བུ་གཅིག་པ་བཞིན་དུ་མཉམ་པར་བལྟས་ཤིང་། ཡུལ་ཆོས་བཟང་པོ
237a6 བསྟན་ན་མི་དགེ་བའི་ལྷ་མ་སྲིན་དང་། ཀུན་པོས་ཤིང་མཆོད་པས། འདྲེ་གདོན་གྱི་རྣམ་པ་རྣམས་མི་ཟས་བཟང་པོ་ཞིམ་པོ་བདར་བས་ཆགས་ཏེ། མི་ལ་ནི་སྡུག་བསྔལ་སྣ་ཚོགས་འབྱུང་། དམ་པའི་ཆོས་ལ་ནི་ཡིད་མ་ཆེས། འདྲེ་གདོན་གྱི་ཆོས་ལ་ནི་སྲོག་གིས་མཆོད་ནས། དམར
237a7 གསུམ་དབྲལ་དུ་ཟ་བ་ལ་ནི་ཡིད་ཆེས་ཏེ་ལོག་པར་བལྟས་ཤིང་སྤྱད་པས་རབས་ཆད་པ་དང་། དབུལ་ཕོངས་པ་དང་། ཉེས་པ་སྣ་ཚོགས་འབྱུང་ངོ་། །བུ་ཕོ་མོ་འབྱུང་བའི་ཚེ་སྣང་བརྒྱད་ལན་གསུམ་བཀླགས་ན་བུ་བཙའ་སླ། ཡིད་གཞུངས་མཚན་དང་ལྡན། མིའམ་ཅི་ལ་སོགས་པས་མདངས
iiif viewer powered by OpenSeadragon
