| e-texts navigator |
| Wylie |
236b1 ཁྲོན་པ་རྐོ་བ་དང་། ཐབ་འཛུགས་པ་དང་། གཏུན་དང་། རང་ཐག་འཆའ་བ་དང་། རང་ཐག་འཆའ་བ་ཡང་རུང་། བང་མཛོད་དང་ཕྱུགས་ཀྱི་ར་བ་བརྩིག་ཀྱང་རུང་། ཤར་ནུབ་ལྷོ་བྱང་གི་ཕྱོགས་མཚམས་ཀྱི་ལྷ་དང་། གཟའ་དང་། རྒྱུ་སྐར་ངན་པ་དང་། དགྲ
236b2 དང་། ཞིང་གཡང་དང་། སེར་པོ་གཟིག་གི་མཇུག་མ་འདྲ་བ་དང་། ས་གཉན་རྣམས་དང་། ས་སྣ་ལྔའི་ལྷ་དང་། འབྲུག་སྔོན་པོ་དང་། སྟག་སྐྱ་བོ་དང་། བྱ་དམར་མོ་དང་། རུ་སྦལ་ནག་པོ་དང་། གབ་རྩེ་དྲུག་གིས་བཀབ་ཅིང་བརྗོད་དུ་མི་རུང་བའི་ལས
236b3 ཐམས་ཅད་བྱེད་པ་ཡང་ཐམས་ཅད་གཅོད་པ་དང་། དྲག་པོ་དང་། ལེགས་ཉེས་བྱེད་པ་དང་། གང་བ་དང་། མཉམ་པ་དང་། རྟག་པ་དང་། གཅིག་ཏུ་འཛིན་པ་དང་། གྱེས་པ་དང་། མཉན་པ་དང་། གྲུབ་པ་དང་། སྡུད་པ་དང་། སའི་བདག་པོ་དང་། ནག་པོ
236b4 དང་། ཉེ་ནག་པོ་དང་། ལྷ་དང་། ཀླུ་དང་། འདྲེ་གདོན་ཐམས་ཅད་འབྱོལ་ཞིང་འབྲོས་སོ། །སོ་ནམ་བྱའོ་ཅོག་དང་། ལམ་ཉེ་ཞིང་གར་འགྲོ་ཡང་རུང་། སྣང་བརྒྱད་ལན་གསུམ་བཀླགས་ན་ཡུལ་བྱེས་གཉིས་སུ་ཉེས་པ་མེད་ཅིང་མྱུར་དུ་འཁོར་ཏེ། བུ་ཚ་ཕ་མ་ལ་སྲི་ཞུ་ཆེ
236b5 བ་དང་། ཕྱུག་བཙན་པ་དང་། བདེ་ལེགས་སུ་འགྱུར་རོ། །དགོན་པའམ་གཅན་གཟན་གྱི་ནང་དུ་སོང་ན་ཡང་ཀླུ་དང་གཅན་གཟན་རྣམས་འབྱོལ་ཞིང་རང་འབྲོས་སོ། །ཁ་མཆུ་དང་བཙོན་དུ་བཟུང་ན་ཡང་མྱུར་དུ་རང་ཐར་རོ། །མེའི་ནང་དུ་སོང་ན་ཡང་མེས་མི་ཚུགས། ཆུའི་ནང
236b6 དུ་སོང་ན་ཡང་ཆུས་མི་ཚུགས་སོ། །མཚོན་དང་དགྲས་མི་ཚུགས་སོ། །དུག་རྣམས་ཀྱང་ཁ་ཟས་བདུད་རྩི་བཞིན་དུ་འགྱུར་ཏེ། དུག་གིས་མི་ཚུགས་སོ། །སྣང་བརྒྱད་ཀྱི་ཡི་གེ་འདི་བུ་ཕོ་མོ་གང་གིས་ཕ་མ་ལ་སྡིག་ཏུ་དོགས་པའི་ཕྱིར་ལན་གསུམ་བཀླགས་ན་ཕ་མ་མནར་མེད་པ
236b7 ལས་ཐར་ཏེ་མཐོ་རིས་སུ་སྐྱེའོ། །སྣང་བརྒྱད་ཀྱི་ཡི་གེ་འདི་གང་ན་གནས་པ་ན་བྱང་ཆུབ་སེམས་དཔའ་བརྒྱད་དང་། ཚངས་པ་དང་། བརྒྱ་བྱིན་དང་། རྒྱལ་པོ་ཆེན་པོ་བཞི་དང་། ལྷ་དང་། ཀླུ་དང་། གནོད་སྦྱིན་ལ་སོགས་པས་མཆོད་པ་སྣ་ཚོགས་ཀྱིས་བརྒྱན་ཏེ་མཆོད་དོ། །
iiif viewer powered by OpenSeadragon
