| e-texts navigator |
| Wylie |
235a1 ཀྱིས་དེ་སྐད་ཅེས་བཀའ་སྩལ་ནས། ཀླུའི་རྒྱལ་པོ་གཟི་ཅན་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །འཕགས་པ་ཀླུའི་རྒྱལ་པོ་གཟི་ཅན་གྱིས་ཞུས་པ་ཞེས་བྱ་བའི་གཟུངས་རྫོགས་།། །།
235a2 @#། །རྒྱ་གར་སྐད་དུ། ཨཱརྱ་ག་ཎུ་ཨ་ལ~ཾ་ཀ་ར་ཨ་གྲ་ནཱ་མ་དྷཱ་ར་ཎཱི། བོད་སྐད་དུ། འཕགས་པ་སྡོང་པོ་རྒྱན་གྱི་མཆོག་ཅེས་བྱ་བའི་གཟུངས། དཀོན་མཆོག་གསུམ་ལ་ཕྱག་འཚལ་ལོ། །སངས་རྒྱས་ཀུན་གྱིས་བསྐྱབ་ཏུ་གསོལ། །བྱང་ཆུབ
235a3 མཆོག་ལ་ཕྱག་འཚལ་ལོ། །འཕགས་པ་ཀུན་གྱིས་བསྐྱབ་ཏུ་གསོལ། །རྡོ་རྗེ་མཆོག་ལ་ཕྱག་འཚལ་ལོ། །རིག་བྱེད་ཀུན་གྱིས་བསྐྱབ་ཏུ་གསོལ། །གཙང་རིས་ལྷ་ལ་ཕྱག་འཚལ་ལོ། །མགོན་པོ་ཀུན་གྱིས་བསྐྱབ་ཏུ་གསོལ། །བར་སྣང་ལྷ་ལ་ཕྱག་འཚལ་ལོ། །
235a4 སྲིད་གསུམ་དབང་གིས་བསྐྱབ་ཏུ་གསོལ། །ཁམས་གསུམ་སྲིད་ལ་དབང་བསྒྱུར་བའི། །ཀུན་ལ་ཕྱག་འཚལ་རྗེས་སུ་མཆོད། །བདག་གི་ལྔ་ཕུང་ཡན་ལག་ལ། །ཐུགས་རྗེས་བྱིན་གྱིས་བརླབ་ཏུ་གསོལ། །དེ་ཡི་སྙིང་པོ་འདི་སྐད་གསུངས། །ོཾ་ཀ་ར་ཀ་ར
235a5 སྭཱ་ཧཱ། ཀུ་རུ་ཀུ་རུ་སྭཱ་ཧཱ། བྷ་ར་བྷ་ར་སྭཱ་ཧཱ། བྷུ་རུ་བྷུ་རུ་སྭཱ་ཧཱ། དྷ་ར་དྷ་ར་སྭཱ་ཧཱ། དྷུ་རུ་དྷུ་རུ་སྭཱ་ཧཱ། ཙ་ར་ཙ་ར་སྭཱ་ཧཱ། ཙུ་རུ་ཙུ་རུ་སྭཱ་ཧཱ། བདག་གི་ལྔ་ཕུང་ཡན་ལག་ལ། །ལོ་མི་རུང་དང་ཟླ་མི་རུང་། །ཞག་མི་རུང་དང་ཟ་མི་རུང་། །གཟའ་མི་རུང་དང་སྐར
235a6 མི་རུང་། །ཉིན་མི་རུང་དང་མཚན་མི་རུང་། །ཉིན་མཚན་ཕྱེད་མར་མི་རུང་དང་། །སྔ་དྲོ་ཕྱི་དྲོ་མི་རུང་དང་། །ཕྱོགས་མི་རུང་དང་མཚམས་མི་རུང་། །འདྲེ་ལྔ་སྡོད་དང་བདུད་གཅོད་པ། །དེ་དག་ཀུན་ལས་བསྐྱབ་ཏུ་གསོལ། །དེ་ཡི་སྙིང་པོ་འདི་སྐད་གསུངས། །ོཾ
235a7 པྲཛྙེ་པྲཛྙེ་པྲཛྙ་ཨ་བ་ལོ་ཀི་ར་དྷ་ཏི་མ་ནི་སུ་སིདྡྷི་ཨཱརྱ་ཛྭ་ལ་ནཱ་མ་མཉྫུ་ཡེ་སྭཱ་ཧཱ། བདག་གི་ལྔ་ཕུང་ཡན་ལག་ལ། །དམར་གྱི་ཐུན་དང་ཕྲ་མེན་དང་། །གློ་དང་ནད་ངན་འོང་བ་དང་། །ལོ་སྐེག་ཟླ་སྐེག་ཞག་སྐེག་དང་། །དེ་བཞིན་ཟ་སྐེག་ལ་སོགས་པ། །རྨི་ལམ་ངན་དང
iiif viewer powered by OpenSeadragon
