| e-texts navigator |
| Wylie |
217a1 མཚོའི་སྤྲིན་དང་། མེ་ཏོག་དྲི་ཆེན་དང་། ཀུ་མུ་དའི་འབྱུང་གནས་དང་། ཀླུའི་རྒྱལ་པོ་རིན་ཆེན་མིག་དང་། ཏོག་ཆེན་པོའི་རྒྱལ་མཚན་དང་། སྤྲིན་ཆེན་སྙིང་པོ་དང་། ཁ་བ་ཅན་དང་། དཔལ་གྱི་སྙིང་པོ་དང་། སྤྲིན་མཐུ་ཅན་དང་། མཚན་མོ
217a2 འཛིན་དང་། ཆུ་སྦྱིན་དང་། ཆུ་སྦྱིན་ཆེན་པོ་དང་། ཀླུའི་རྒྱལ་པོ་གཟི་བརྗིད་མེ་འདྲ་དང་། སྤྲིན་གྱི་དབང་ཕྱུག་རྒྱལ་པོ་དང་། ཁྲོ་མེད་དང་། སའི་བུམ་པ་དང་། ཀླུ་དཔལ་དང་། ཆུ་འཛིན་དང་། སྤྲིན་གདུགས་དང་། ཨིང་གི་རའི་གདོང་དང་། གཟི་བརྗིད་ཅན་དང་།
217a3 སྤྲིན་ལས་མངོན་བྱུང་དང་། ཀླུའི་རྒྱལ་པོ་གོམ་སྟབས་མཐའ་ཡས་དང་། ཆ་བྱད་མཛེས་དང་། ལུས་ཆེན་དང་། སྤྱད་ལྟོ་དང་། ཞི་བ་དང་། དཔའ་བ་དང་། གསེར་ངད་ཅན་དང་། མཆོག་ཏུ་བརྩོན་དང་། དུག་ཅན་དང་། དབྱངས་སྙན་དང་། ཀླུའི་རྒྱལ་པོ་བདུད
217a4 རྩི་སྙིང་པོ་དང་། རབ་ཏུ་ཆར་འབེབས་ཆེན་པོ་དང་། རྣམ་པར་གཡོ་དང་། འཁྲུགས་སྒྲ་དང་། རྔ་སྒྲ་དང་། བདུད་རྩིའི་རྒྱུན་དང་། དགའ་བར་བྱེད་པ་དང་། འབྲུག་སྒྲོགས་དང་། དཔའ་སྡེ་དང་། སྲེད་མེད་ཀྱི་བུ་དང་། རྒྱ་མཚོའི་ཀློང་དང་། ཀླུའི་རྒྱལ་པོ་ཡོན
217a5 པོ་དང་། ཀླུའི་རྒྱལ་པོ་ཆེན་པོ་དེ་དག་ལ་སོགས་པ་ཀླུ་བྱེ་བ་ཁྲག་ཁྲིག་བརྒྱ་སྟོང་ཕྲག་བརྒྱད་ཅུ་རྩ་བཞི་དག་འདུས་ཏེ་འཁོད་པ་དང་ཐབས་ཅིག་ཏུ་བཞུགས་སོ། །དེའི་ཚེ་ཀླུའི་རྒྱལ་པོ་དེ་དག་འཁོར་དང་བཅས་ཏེ་སྟན་ལས་ལངས་ནས་བླ་གོས་ཕྲག་པ་གཅིག་ཏུ་གཟར་ཏེ། པུས
217a6 མོ་གཡས་པའི་ལྷ་ང་ས་ལ་བཙུགས་ནས། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས། བླ་མ་ལ་གུས་པ་དང་། ཕུ་དུད་ཆེན་པོ་བྱེད་པས། མེ་ཏོག་དང་། བདུག་པ་དང་། སྤོས་དང་། ཕྲེང་བ་དང་། བྱུག་པ་དང་། ཕྱེ་མ་དང་།
217a7 ན་བཟའ་དང་། གདུགས་དང་། རྒྱལ་མཚན་དང་། བ་དན་དང་། དར་གྱི་ལྡ་ལྡི་དང་། རོལ་མོའི་སྒྲ་དང་། སིལ་སྙན་དང་། ཕེག་རྡོབ་པ་དང་། གླུ་དབྱངས་དང་། རིན་པོ་ཆེའི་མེ་ཏོག་དང་། རིན་པོ་ཆེའི་ལྡ་ལྡི་དང་། མུ་ཏིག་གི་ཕྲེང་བ་དང་།
iiif viewer powered by OpenSeadragon
