| e-texts navigator |
| Wylie |
216a1 @#། །རྒྱ་གར་སྐད་དུ། ཨཱརྱ་མ་ཧཱ་མེ་གྷ། བོད་སྐད་དུ། འཕགས་པ་སྤྲིན་ཆེན་པོ། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་ཀླུའི་རྒྱལ་པོ
216a2 དགའ་བོ་དང་ཉེ་དགའི་གནས་ན་ནོར་བུ་རིན་པོ་ཆེའི་དཔལ་གྱི་སྙིང་པོ་སྤྲིན་གྱི་དཀྱིལ་འཁོར་ཆེན་པོའི་ཁང་པ་བརྩེགས་པ་ན། དགེ་སློང་གི་དགེ་འདུན་ཆེན་པོ་དང་། བྱང་ཆུབ་སེམས་དཔའི་དགེ་འདུན་ཆེན་པོ་དང་། ཀླུའི་རྒྱལ་པོའི་ཚོགས་ཆེན་པོ་འདི་ལྟ་སྟེ། ཀླུའི་རྒྱལ
216a3 པོ་དགའ་བོ་དང་། ཉེ་དགའ་དང་། རྒྱ་མཚོ་དང་། མ་དྲོས་པ་དང་། གཟི་ཅན་དང་། ཆུ་ལྷ་དང་། འཇོག་པོ་དང་། ཡུལ་འཁོར་སྲུང་དང་། ནོར་རྒྱས་ཀྱི་བུ་དང་། ཀླུའི་རྒྱལ་པོ་བཏང་བཟུང་དང་། ས་སྲུང་གི་བུ་དང་། མདོངས་བུ་དང་། དཔལ་གྱི་གཟི
216a4 བརྗིད་དང་། དཔལ་བཟང་དང་། གློག་གི་ཕྲེང་བ་དང་། གཙུག་ན་རིན་པོ་ཆེ་དང་། གཙུག་ན་ནོར་བུ་ཐོགས་དང་། སྣང་ལྡན་གཙུག་ཕུད་ཅན་དང་། གཙུག་ཕུད་འཇའ་ཅན་དང་། ཀླུའི་རྒྱལ་པོ་དབང་པོའི་རྒྱལ་མཚན་དང་། དབང་པོའི་མཆོད་སྡོང་དང་། འཛམ
216a5 བུའི་རྒྱལ་མཚན་དང་། བཀྲ་ཤིས་ལྡན་དང་། དཀྱིལ་འཁོར་ཆེན་པོ་ཅན་དང་། ལག་གིས་འགྲོ་ཆེན་པོ་དང་། སྐར་མདོག་དང་། ཟླ་བའི་གཟི་བརྗིད་དང་། དཔལ་གྱི་བློ་གྲོས་དང་། ཟླ་མཐོང་དང་། ཀླུའི་རྒྱལ་པོ་ལེགས་མཐོང་དང་། ཤིན་ཏུ་བརྟན་པ་དང་།
216a6 མགུལ་ན་ནོར་བུ་དང་། སྤྲིན་བྱུང་དང་། ཆར་རྒྱུན་དང་། རབ་འཇོམས་དང་། རྣམ་པར་འཇོམས་དང་། མཐུ་བསྒྱིངས་དང་། གདེངས་ཀ་ཆེན་པོ་དང་། དབྱངས་ཟབ་དང་། ཀླུའི་རྒྱལ་པོ་ཆེར་སྒྲོགས་དང་། རྣམ་པར་སྒྲ་འབྱིན་དང་། ཨུཏྤལ་དང་། རྩལ་ཆེན
216a7 དང་། གཤོལ་མདའ་འཛིན་དང་། སྣ་ཚོགས་སྡེ་དང་། ཞགས་པ་ཆེན་པོ་དང་། ཀླུའི་རྒྱལ་པོ་ཨེ་ལའི་འདབ་མ་དང་། ཀུན་ཏུ་སྣང་དང་། རྣ་རྩུབ་དང་། དུང་དང་། དར་དར་དང་། ཀླུའི་རྒྱལ་པོ་ཨུ་པ་དར་དར་དང་། བདེ་བྱེད་དང་། ལག་འགྲོ་དང་། ལག
iiif viewer powered by OpenSeadragon
