| e-texts navigator |
| Wylie |
215b1 ལན་ཅིག་བཟླས་བརྗོད་བྱས་ཤིང་། སྒྲུབ་པ་བྱས་ན་ཆར་བ་ཆེན་པོ་དང་། རླུང་ཆེན་པོ་ཡང་འབྱུང་སྟེ། མཚམས་ཀྱི་ཕྱི་རོལ་དུ་ལྡང་ཞིང་འབབ་པར་འགྱུར་ལ། སྐད་ཅིག་གིས་འཆད་པར་ཡང་འགྱུར་ཏེ། ལན་བདུན་གྱི་བར་དུ་ཡང་བརྗོད་པར
215b2 བྱའོ། །དེ་ནས་ལྷའི་བུ་སྤྲིན་ཆེན་ཞེས་བྱ་བ་དང་། སྤྲིན་ཞེས་བྱ་བ་གཉིས་འོངས་ཏེ། དེའི་རྐང་པ་ལ་མགོ་བོས་ཕྱག་འཚལ་ཞིང་གྲུབ་པ་སྦྱིན་པ་དང་། རྗེས་སུ་ཡི་རང་བར་ཡང་འགྱུར་རོ། །དེ་ལ་གྲུབ་པ་ནི་འདི་དག་ཡིན་ཏེ། སྤྲིན
215b3 ནི། ཀུ་ཙུ་ཀུ་ཙ་ཞེས་བྱའོ། །སྤྲིན་ནི་འདི་ཡིན་ཏེ། ཀ་ར་ཀ་ར་ཀཱ་ར་ར་ཞེས་བྱའོ། །ཚིག་འདི་དག་དང་། སྐུད་པ་ལག་ཏུ་བླངས་པས་མདོ་སྡེ་དང་། གསང་སྔགས་རྣམས་བསམས་ན་གང་བྱ་བར་འདོད་པ་དེ་དག་ཐམས་ཅད་བྱེད་པར
215b4 འགྱུར་རོ། །བཅོམ་ལྡན་འདས་ཀྱི་མདོ་སྡེ་དང་། རིག་སྔགས་འདི་དག་ཐམས་ཅད་ཀྱིས་ཆུའམ། སྐུད་པ་ལ་བཟླས་ན་གང་བྱེད་པར་མི་འགྱུར་བ་དེ་མེད་དེ། ལས་ཐམས་ཅད་འགྲུབ་པར་འགྱུར་རོ། །ཇི་སྲིད་འཚོའི་བར་དུ་བདག་དང་གཞན
215b5 དག་བསྲུང་བའི་ཕྱིར་མདོ་སྡེ་འདི་གཟུང་བར་བྱའོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། དགེ་སློང་དེ་དག་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །འབྱུང་པོ་གང་དག་འདིར་ནི
215b6 ལྷགས་གྱུར་ཅིང་། །ས་དང་བར་སྣང་དག་ལ་འཁོད་པ་རྣམས། །སྐྱེ་དགུ་རྣམས་ལ་རྟག་ཏུ་བྱམས་བྱེད་ཅིང་། །ཉིན་དང་མཚན་དུ་ཆོས་ཀྱང་སྤྱོད་གྱུར་ཅིག་།མདོ་ཆེན་པོ་འདུས་པ་ཆེན་པོའི་མདོ་ཞེས་བྱ་བ་རྫོགས་།། །།
215b7 རྒྱ་གར་གྱི་མཁན་པོ་ཛི་ན་མི་ཏྲ་དང་། པྲཛྙཱ་བརྨ་དང་། ཞུ་ཆེན་གྱི་ལོ་ཙྪ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་ཅིང་ཞུས་ཏེ་གཏན་ལ་ཕབ་པ།། །།
iiif viewer powered by OpenSeadragon
