| e-texts navigator |
| Wylie |
213a1 པོ་ཐམས་ཅད་ཀྱང་དགའ་བར་འགྱུར་ལགས་སོ། །ཇི་སྲིད་འཚོའི་བར་དུ་འབྱུང་པོ་ཐམས་ཅད་ལས་བསྲུང་བ་བགྱིས་པར་ཡང་འགྱུར་ལགས་སོ། །གང་ཀློག་པར་བགྱིད་པ་དང་། གང་ཉན་པར་བགྱིད་པ་དེ་ལ་དགུང་ལོ
213a2 བདུན་དུ་བསྲུང་བ་བགྱིས་པར་འགྱུར་ལགས་སོ། །ཆབ་ལ་བཟླས་བརྗོད་བགྱིས་ཏེ་གཏོར་ཏམ་འཚལ་དུ་སྩལ་ན། དེའི་བྲོ་ནད་ཐམས་ཅད་ཉེ་བར་ཞི་བར་འགྱུར་ལགས་སོ། །དེ་ནས་བཅོམ་ལྡན་འདས་ལ་འདོད་པའི་བདག་པོ་ཐམས་ཅད
213a3 ཀྱིས་གསོལ་པ། བཅོམ་ལྡན་འདས་འདི་ནི་བདག་ཅག་གི་ཡུལ་ཡང་ལགས་ཏེ། མདོ་སྡེ་འདི་ཡོངས་སུ་གཟུང་བའི་རིག་སྔགས་ནི་འདི་ལགས་སོ། །ཏདྱ་ཐཱ། ལིནྟེ། ལི་པེ། ལོ་པེ། པ་པེ། པ~ཾ་ཀེ་ཀ་མ། ཀཱ་ཙེ་ཀཱ་ཙེ་ཀྵི།
213a4 ཀཱ་ཙ་པིཾ་ག་ལེ། དུ་མེ་དུ་མེ་དུ་མེ། ཏ་ཊེ་ཏད་ཏྲ་ཊེ། ཏྲ་ཏྲཱ་ཀྵི། ཀོ་ལཱ། ཀོ་ལི། ཀི་ཀ་ཀོ་ལི་ཀེ། སཱདྷཱུ། སཱུ་ཏྲ་མ་ནུ་པཱ་ལ་ཡ་ཐཱ། ཨུད་གྲྀཧྞ་ཡ་ཙེ་ཏི། བཅོམ་ལྡན་འདས་གང་ཞིག་གསང་སྔགས་ཀྱི་ཚིག་འདི་དག་དང་། མདོ
213a5 སྡེ་ལེགས་པར་གསུངས་པ་འདི་དུམ་བུར་མ་གྱུར་པ་དང་། མ་ཉམས་པར་བཟུང་སྟེ། སྲུང་བར་བགྱིད་ན་དེ་ནི་ཐམས་ཅད་ལས་བསྲུང་བ་བགྱིས་པར་འགྱུར་ལགས་སོ། །འབྱུང་པོ་ཐམས་ཅད་ཀྱང་དགའ་བར་འགྱུར་ལགས་སོ། །ཇི་ཙམ
213a6 འཚལ་བ་དེ་ཙམ་གྱི་དགུང་ཆར་འབབ་པར་ཡང་འགྱུར། འཆད་པར་ཡང་འགྱུར། དགུང་སེར་འབབས་པར་ཡང་འགྱུར། འཆད་པར་ཡང་འགྱུར་ལགས་སོ། །འབྱུང་པོ་དང་གདོན་རྣམས་ལས་ཡོངས་སུ་ཐར་བར་ཡང་འགྱུར་ལགས
213a7 སོ། །དུག་འབྱིན་པར་ཡང་འགྱུར་ལགས་སོ། །ཆབ་ལ་ལན་བདུན་བཟླས་བརྗོད་བགྱིས་ཏེ་གཏོར་རམ་འཚལ་དུ་སྩལ་ན། དེས་བྲོ་ནད་ཐམས་ཅད་ཉེ་བར་ཞི་བར་འགྱུར་ལགས་སོ། །དེ་ནས་བཅོམ་ལྡན་འདས་ལ་ལྷའི་དབང་པོ་བརྒྱ་བྱིན
iiif viewer powered by OpenSeadragon
