| e-texts navigator |
| Wylie |
212b1 ཇི་སྲིད་འཚོའི་བར་དུ་འབྱུང་པོ་ཐམས་ཅད་ལས་བསྲུང་བ་བགྱིས་པར་འགྱུར་ལགས་སོ། །འབྱུང་པོ་ཐམས་ཅད་ཀྱང་དགའ་བར་འགྱུར་ལགས་སོ། །དེ་ལ་བྲོ་ནད་ཐམས་ཅད་ཀྱིས་མི་ཚུགས་པར་འགྱུར་ལགས་སོ། །གང་དུ་ཀློག་པ
212b2 དེར་དགེ་བར་འགྱུར་ཞིང་། དེ་དག་ལ་དགུང་ལོ་བདུན་དུ་བསྲུང་བ་བགྱིས་པར་ཡང་འགྱུར་ལགས་སོ། །ཇི་ཙམ་འཚལ་བར་འགྱུར་བ་དེ་ཙམ་གྱི་དགུང་ཆར་འབབ་པར་འགྱུར། འཆད་པར་ཡང་འགྱུར། དགུང་སེར་འབབ་པར
212b3 ཡང་འགྱུར། འཆད་པར་ཡང་འགྱུར་ལགས་སོ། །བྲོ་ནད་ཐམས་ཅད་ལ་བྱབ་པར་བགྱིས་སམ། ཆབ་ལ་བཟླས་བརྗོད་བགྱིས་ཏེ་སྩལ་ན། དེས་དེའི་བྲོ་ནད་ཐམས་ཅད་རབ་ཏུ་ཞི་བར་འགྱུར་ལགས་སོ། །དེ་ནས་བཅོམ་ལྡན
212b4 འདས་ལ་ཚངས་བས་གསོལ་པ། བཅོམ་ལྡན་འདས་གནས་གཙང་མ་པ་དག་མ་གཏོགས་པ་གཟུགས་ན་སྤྱོད་པའི་ལྷའི་རིས་གོང་མ་རྣམས་ཀྱི་རིག་སྔགས་ཀྱང་འདི་དག་ལགས་ལ། གསང་སྔགས་ཀྱི་ཆོ་ག་ཞིབ་མོ་ཡང་འདི་དག་ལགས
212b5 སོ། །འདི་ནི་འདིར་མདོ་སྡེ་ཡོངས་སུ་འཛིན་པར་བགྱིད་ལགས་སོ། །ཏདྱ་ཐཱ། བྷ་ལེ་བྷ་ལ་མ་ལེ། དུ་ར་དུ་ལེ། ཧི་མེ། ཕུབ་པི་སེ། ཀཱ་ཙཱ་ཀྵི་ཀུ་ཙེ་སཱི། མ་མི་ནཱི་ཥེ་རེ་ཐོ་ར་ཎི་པ་མ་ཕི་བ་མ་པོ་ཊི་སྟེ་ཀེ། ཏ་ར་ཀེ། གུ་རུ
212b6 ག་རོ། གུག་གུ་མི་ཊི་ཏཱ་རེ། རཀྵ་སཱུ་ཏྲ་མ་ནུ་པཱ་ལ་ཡ་ཐཱ། འདི་ནི་བདག་ཅག་གི་རིག་སྔགས་ཀྱི་ཆོ་ག་ཞིབ་མོ་ལགས་ཏེ། གང་ལ་ལ་ཞིག་མདོ་སྡེ་འདི་དང་། གསང་སྔགས་ཀྱི་ཚིག་འདི་དག་དུམ་བུར་མ་གྱུར་བར་འཛིན་ཏམ།
212b7 ཀློག་པར་བགྱིད་ན། དེ་ལ་མི་དང་མི་མ་ལགས་པ་དག་མཆི་བར་མི་འགྱུར་ཞིང་། གདུག་པ་ཡང་མི་མཆི། སྦྲུལ་ཡང་མི་མཆི། དུག་ཀྱང་མི་མཆི་ལ། དེའི་ལུས་ལ་གནོད་པ་དག་གིས་མི་ཚུགས་པར་འགྱུར་ལགས་སོ། །འབྱུང
iiif viewer powered by OpenSeadragon
