| e-texts navigator |
| Wylie |
211b1 དབང་སྒྱུར་དབང་ཕྱུག་བཅུ། །རྫུ་འཕྲུལ་ལྡན་པ་དེ་དག་དང་། །ལྷན་ཅིག་འགྲོགས་ཏེ་དེར་ལྷགས་པ། །གང་དག་དེ་ཡི་འཁོར་རྣམས་དང་། །དེ་དག་ཀྱང་ནི་འདུས་པར་ལྷགས། །རྫུ་འཕྲུལ་ལྡན་ཞིང་འོད་དང་ལྡན། །ཁ་དོག་ལྡན
211b2 ཞིང་གྲགས་ལྡན་རྣམས། །དགེ་སློང་རྣམས་ལ་ཕྱག་འཚལ་ཞིང་། །འདུས་པའི་ཚལ་དུ་མངོན་པར་ཞུགས། །དབང་སྒྱུར་བྱེད་པའི་འཕྲོག་མ་མོ། །ཁ་དོག་གཟུགས་མཆོག་ལྡན་པ་ཡང་། །བུ་རྣམས་ཀྱིས་ནི་ཡོངས་བསྐོར་ཅིང་། །
211b3 དེ་དག་རྣམས་ཀྱི་ཕྱི་བཞིན་འོངས། །གང་དག་དེ་ཡི་འཁོར་རྣམས་དང་། །དེ་ཡང་འདུས་པའི་ནང་དུ་འོངས། །རྫུ་འཕྲུལ་ལྡན་ཞིང་འོད་དང་ལྡན། །ཁ་དོག་ལྡན་ཞིང་གྲགས་ལྡན་རྣམས། །དགེ་སློང་རྣམས་ལ་ཕྱག་འཚལ་ཞིང་། །
211b4 འདུས་པའི་ཚལ་དུ་མངོན་པར་ཞུགས། །དབང་པོར་བཅས་དང་དབང་ལྡན་བཅས། །སྐྱེ་དགུའི་བདག་དང་བཅས་པ་ཡི། །ལྷ་རྣམས་དེ་དག་དེར་ལྷགས་ཤིང་། །དགེ་སློང་རྣམས་ཀྱང་དེར་ལྷགས་སོ། །ནག་པོས་སྨྲས་པའི
211b5 ཚིག་ལ་ལྟོས། །འདོད་ཆགས་ཀྱིས་ནི་འདི་ཟུང་ལ། །བཅིང་བ་གྱིས་དང་ཁྱེད་ལ་ལེགས། །འདི་དག་ཀུན་ནས་ཡོངས་བསྡུས་ལ། །འདི་དག་གསོན་པོར་མ་བཏང་ཞེས། །དེ་ན་ནག་པོ་སྡེ་བོ་ཆེ། །སྡེ་རྣམས་ལ་ནི་སྐུལ་བྱེད
211b6 ཅིང་། །ཁྲོས་ཤིང་རང་དབང་མེད་གྱུར་ནས། །རང་ཡང་མངོན་པར་ཞུགས་གྱུར་ཏེ། །ལག་པས་ས་ལ་བརྡབས་ནས་ནི། །ཤིན་ཏུ་འཇིགས་པའི་སྒྲ་ཕྱུང་སྟེ། །ཇི་ནས་ལྷ་ཡིས་སྤྲིན་ཕྲེང་དང་། །གློག་དང་བཅས་པའི་ཆར
211b7 ཡང་ཕབ། །སངས་རྒྱས་ཀྱིས་ནི་དེ་མཁྱེན་ནས། །དེ་བཞིན་གཤེགས་པས་རྣམ་གཟིགས་ཏེ། །དེ་ནས་སྟོན་པས་བསྟན་དགའ་བའི། །ཉན་ཐོས་རྣམས་ལ་དགེ་སློང་དག་།བདུད་སྡེ་མངོན་པར་ལྷགས་གྱུར་གྱིས། །མངོན
iiif viewer powered by OpenSeadragon
