| e-texts navigator |
| Wylie |
86b1 སུ་པྲ་ཏིཥྛི་ཏཱ། བི་ཛ་ཡ་བ་ལཱ། སརྦྦ་པྲ་ཏི་ཛྙཱ། ཨཱ་རོ་ཧཱ་ཛྙཱ་ན་པ་ཏི། ཨུཏྤཱ་ད་ནཱི། བི་ནཱ་མ་ནཱི། ཨ་བྷི་ཥིཉྩ་ནི། ཨ་བྷི་བྱ་ཧཱ་རཱ། ཤུ་བྷ་བ་ཏི། ཨ་ནི་ཤྲི་ཏ། བ་ཧུ་ཀུམྦྷ། ཨ་བྷི་བ་ཙ། ཤཱ་རིའི་བུ་འདི་དག་ནི་དབང་བསྐུར་བ་ཞེས་བྱ་བའི་གཟུངས་ཀྱི་ཆོས
86b2 ཀྱི་མིང་རྣམས་ཏེ། འདས་པ་རྣམས་དང་། མ་འོངས་པ་རྣམས་དང་། ད་ལྟར་བྱུང་བ་རྣམས་དང་། ལེགས་པར་གནས་པ་རྣམས་བྱང་ཆུབ་སེམས་དཔའ་གང་གིས་ལེགས་པར་བཟུང་སྟེ། འཆང་བ་དེ་མྱུར་དུ་མངོན་པར་རྫོགས་པར་འཚང་རྒྱ་བར་བྱ་བའི་ཕྱིར
86b3 བསྐལ་པ་བརྒྱ་དང་། བསྐལ་པ་སྟོང་དག་སྨོན་ལམ་གྱིས་ཟད་པར་བྱེད་པར་འགྱུར། དེ་ལ་མཚོན་གྱིས་མི་ཚུགས་པར་འགྱུར། མེ་དང་སྲོག་ཆགས་མི་སྲུན་པ་རྣམས་ཀྱིས་མི་ཚུགས་པར་འགྱུར་རོ། །དེ་ཅིའི་ཕྱིར་ཞེ་ན། འདི་ལྟར་ཤཱ་རིའི་བུ་གཟུངས་འདི་ནི
86b4 འདས་པའི་སངས་རྒྱས་རྣམས་ཀྱི་ཡུམ་མོ། །ཤཱ་རིའི་བུ་རིགས་ཀྱི་བུའམ་རིགས་ཀྱི་བུ་མོ་གང་ལ་ལས་སྟོང་གསུམ་གྱི་སྟོང་ཆེན་པོ་གྲངས་མེད་པ་བཅུ་མཐར་ཆགས་སུ་གང་བའི་སངས་རྒྱས་རྣམས་ལ་ན་བཟའ་དང་། ཞལ་ཟས་བཟང་པོས་བསྐལ་པ་གྲངས་མེད་པར
86b5 གཟུང་བ་བྱས་པ་བས། རིགས་ཀྱི་བུའམ་རིགས་ཀྱི་བུ་མོ་གཞན་གང་གིས་གཟུངས་འདི་ལས་ཐ་ན་ཚིག་གཅིག་ཙམ་བཟུང་བ་དེ་བས་ཆེས་བསོད་ནམས་མང་དུ་སྐྱེད་དོ། །དེ་ཅིའི་ཕྱིར་ཞེ་ན། ཤཱ་རིའི་བུ་དབང་བསྐུར་བའི་གཟུངས་འདི་ནི། སངས་རྒྱས་ཀྱི
86b6 ཡུམ་ཡིན་པའི་ཕྱིར་རོ། །བཅོམ་ལྡན་འདས་ཀྱིས་དེ་སྐད་བཀའ་སྩལ་ནས། དགེ་སློང་དེ་དག་དང་། བྱང་ཆུབ་སེམས་དཔའ་དེ་དག་དང་། ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས
86b7 གསུངས་པ་ལ་མངོན་པར་བསྟོད་དོ། །འཕགས་པ་དབང་བསྐུར་བ་ཞེས་བྱ་བའི་གཟུངས་རྫོགས་སོ།། །།རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ཞུ་ཆེན་གྱི་ལོཙྪ་བ་བནྡེ་ཡེ་ཤེས་སྡེས་བསྒྱུར་ཅིང་ཞུས་ཏེ། སྐད་གསར་ཆད་ཀྱིས
iiif viewer powered by OpenSeadragon
