| e-texts navigator |
| Wylie |
196b1 མཉམ་པར་གནས། །དོན་གྱིས་མ་ལུས་ཁྱབ་འགྱུར་བ། །བརྗོད་མེད་དོན་གྱི་གསུང་ཉིད་དོ། །སྐུ་དང་ཕྱག་རྒྱ་གཟིགས་ཚུལ་གྱིས། །ཏིང་འཛིན་དགོངས་པས་འདུལ་བ་ལ། །བརྗོད་མེད་ཚུལ་གྱིས་གང་སྟོན་པ། །བརྡ་ཡི་གསུང་དུ་རྣམ་པར་བསྟན། །གང་ཡང་རུང་བ་མཐོང
196b2 ཐོས་ཚེ། །དཔའ་བོས་བལྟས་པས་གཡུལ་སེལ་ལྟར། །དངོས་པོས་བྱང་ཆུབ་ནམ་མཁར་རྟོགས། །བྱིན་བརླབས་རྟོགས་པའི་གསུང་ཞེས་བྱ། །གང་གི་དོན་དུ་གང་སྣང་བ། །གཉེན་པོ་བར་ཆད་མི་གནས་ཤིང་། །གཞན་དག་ཕམ་བྱེད་མི་ཐུབ་པ། །ཟིལ་གྱིས་གནོན
196b3 པའི་གསུང་དུ་བརྗོད། །ཚིག་གཅིག་བརྗོད་པས་ཚིག་མཐའ་ཡས། །མོས་པ་དེ་རྙེད་རྣམ་གྲོལ་ཅིང་། །ཡོན་ཏན་རྒྱ་མཚོ་ཕུན་སུམ་ཚོགས། །འདི་ནི་བརྗོད་པ་ཚིག་གི་གསུང་། །ཇི་སྙེད་མང་པོར་རྣམ་སྤྲོས་ཀྱང་། །ཆོས་ཀྱི་དབྱིངས་ལ་ཁྱད་པར་མེད། །རྟོག་ལ་རྣམ་རྟོག་མཚན
196b4 མ་ཡང་། །མི་རྟོག་ཡེ་ཤེས་གྲོལ་བའི་ཐུགས། །གཉིས་མེད་བདེ་བ་ཆེན་པོ་ཡིས། །འདོད་པའི་ལོངས་སྤྱོད་ལྔ་ལ་རོལ། །མ་ལུས་བདེ་བར་སྣང་བའི་ཚེ། །འདི་ནི་བདེ་བ་ཆེན་པོའི་ཐུགས། །བདག་གཞན་ཕྱི་ནང་མི་མངའ་ཡང་། །རང་འབྱུང་གཉིས་ཀྱི་ཕྱོགས་བྲལ་བས། །
196b5 གདུལ་བྱའི་བསམ་པ་ཀུན་མཁྱེན་པས། །འགྲོ་བ་མ་ལུས་བསྒྲལ་བའི་ཐུགས། །ཇི་སྙེད་རིག་པའི་དོན་སྣང་ཞིང་། །མ་ལུས་ཀུན་གྱི་ངོ་བོ་ལ། །སྐྱེ་འཇིག་གཉེན་པོ་གདོད་ནས་སྟོང་། །མི་འགྱུར་རྡོ་རྗེ་ཐུགས་ཞེས་བྱ། །དཔག་མེད་ནམ་མཁའི་ཞིང་ཁམས་དང་། །
196b6 ཆེ་བའི་ཁྱད་པར་བསྟན་པའི་གདན། །ཟག་པ་མེད་པའི་རྒྱན་རྣམས་དང་། །ཡེ་ཤེས་འབར་བའི་གཞལ་ཡས་ཁང་། །མཐའ་དབུས་མེད་པར་ཁྱབ་པ་ཡི། །འོད་ཟེར་ཚོགས་ནི་རྣམ་པར་སྣང་། །གཞན་ཡང་ཡོན་ཏན་ཆེན་པོ་ནི། །མཐའ་དབུས་མེད་པའི་ནམ་མཁའ་ལྟར། །
196b7 དཔག་ཅིང་གཞལ་བར་མི་ནུས་ཏེ། །ཟག་མེད་ཆེ་བའི་ཡོན་ཏན་སྣང་། །གཞན་ཡང་མཛད་པའི་ཕྲིན་ལས་ནི། །གདུལ་བྱའི་ཡུལ་ནི་ཇི་སྙེད་པ། །མཛད་པའི་སྒོ་ནི་བསམ་ཡས་ཏེ། །མཐའ་ཐུག་མེད་པར་རྣམ་པར་སྣང་། །འདི་དག་བསྡུས་པས་བཤད་བྱ་ན། །ཞི་རྒྱས
iiif viewer powered by OpenSeadragon
