| e-texts navigator |
| Wylie |
196a1 ལས། །མཐོ་དམན་བླང་དོར་མ་དམིགས་པས། །འཁོར་བའི་ངོ་བོར་རང་སྣང་ཡང་། །མ་ཆགས་སྐྱོན་མེད་པདྨ་འདྲ། །དཔག་མེད་ཡོན་ཏན་ངོ་བོ་རྣམས། །རང་འབྱུང་རིག་པ་རང་སྣང་བས། །མ་ལུས་ངོ་མཚར་རྒྱ་མཚོ་རྣམས། །རང་སྣང་གཞན་ལས
196a2 ཐོབ་བྱ་མེད། །བྱིན་བརླབས་ཆོ་འཕྲུལ་རྨད་ཀྱི་ཆོས། །རང་འབྱུང་ཉིད་ལས་རྣམ་པར་སྤྲོ། །ཚུལ་ནི་རྣམ་པ་སྣ་ཚོགས་ཏེ། །དག་དང་མ་དག་ཁྱད་པར་གྱིས། །ངོ་བོ་གཅིག་ལས་མ་གཡོས་ཀྱང་། །མོས་པས་མཐོང་ཚུལ་དེ་བཞིན་ནོ། །གསུང་ནི་ནམ་མཁའ་ཁྱབ་པར་ནི། །ཕྱོགས
196a3 བཅུ་ཁྱབ་པར་སྒྲ་སྒྲོགས་པ། །མོས་པ་བཞིན་དུ་སྣ་ཚོགས་པའི། །བསམ་ཡས་འདུལ་ཐབས་སྣ་ཚོགས་སྣང་། །ཐུགས་ནི་མ་ལུས་མཁྱེན་པའི་ཐུགས། །ཕན་དང་བདེར་བཅས་བརྩེར་ལྡན་པའི། །མངོན་ཤེས་མཁྱེན་པའི་ཡེ་ཤེས་སྤྲོ། །ཡེ་ཤེས་ཐུགས་ལ་ཁྱད་པར་མེད། །
196a4 ཡོན་ཏན་ཚད་ཁྱད་བྲལ་བ་སྟེ། །ནམ་མཁའི་ནོར་བུ་གཏེར་འཆང་བ། །དཔག་མེད་བསམ་པ་བསྐང་བའི་ཕྱིར། །བྱིན་བརླབས་ཡིད་བཞིན་ནོར་བུའི་ཚུལ། །ཕྲིན་ལས་བྱིན་བརླབས་རང་སྣང་བ། །འགྲོ་འོང་མེད་པའི་དོན་ཚུལ་གྱིས། །དཔག་བསམ་བུམ་དང་རིན་ཆེན་གྱི། །བྱ་བྱེད
196a5 མེད་པར་དོན་རྣམས་རྫོགས། །མ་ལུས་སྤྲོས་པ་རྣམ་དག་ཅིང་། །རང་འབྱུང་རིག་པ་མཐའ་དབུས་མེད། །མ་ལུས་ཀུན་གྱི་འབྱུང་གནས་ཏེ། །བདེ་བ་ཆེན་པོ་ཆོས་ཀྱི་སྐུ། །འདོད་པའི་ལོངས་སྤྱོད་ཐམས་ཅད་ནི། །གཉིས་མེད་ངང་ལ་ཀུན་རྫོགས་པས། །དེ་ཉིད་ཚད་བྲལ་མངའ
196a6 བརྙེས་པས། །ལོངས་སྤྱོད་ཡོངས་སུ་རྫོགས་པའི་སྐུ། །སྐུ་གཅིག་ཐིག་ལེའི་ངོ་བོ་ལས། །འཇིག་རྟེན་ཁམས་ནི་ཐམས་ཅད་དུ། །ཇི་ལྟར་འདུལ་བའི་ཚུལ་བཞིན་དུ། །རྣམ་པར་འཕྲུལ་པ་སྤྲུལ་པའི་སྐུ། །མ་བྱུང་མ་སྐྱེས་དོན་རྟོགས་པས། །མ་ལུས་དབྱེར་མེད་རྡོ་རྗེ་ཉིད། །མི
196a7 འཇིགས་གཉེན་པོ་ཀུན་བྲལ་བ། །རྡོ་རྗེ་སྐུ་ཞེས་རྣམ་པར་བསྟན། །གང་དུ་མངོན་པར་བྱང་ཆུབ་པའི། །འོད་གསལ་ནམ་མཁའི་མཐའ་དབུས་མེད། །སྐུ་བཞི་མཐའ་ཡིས་མ་རེག་པ། །དང་པོ་མངོན་པར་བྱང་ཆུབ་པའོ། །མ་ལུས་དབྱེ་བ་མཐའ་སྤངས་ཤིང་། །དེ་ལྟར་ཀུན་དང
iiif viewer powered by OpenSeadragon
