| e-texts navigator |
| Wylie |
194b1 དཔག་མེད་ཡོན་ཏན་རྣམ་པར་འཕྲུལ། །བདེ་བ་ཆེན་པོའི་ཐིག་ལེ་ནི། །འདུ་འཕྲོ་བྲེལ་བས་ཟག་པ་མེད། །ཕྱོགས་རིས་འདས་པས་མ་ཁྱབ་མེད། །ཐོག་མཐའ་མེད་པར་མཉམ་པ་ཡིན། །རྒྱལ་བ་ཀུན་གྱི་རང་བཞིན་ཏེ། །ཐིག་ལེ་རོ་ལ་མཉམ་བཞུགས་པས། །ནམ་མཁའི
194b2 མཐས་གཏུགས་ཆོས་ཐམས་ཅད། །བདེ་བ་ཆེན་པོར་གསལ་བར་མྱོང་། །མཚན་དང་དཔེ་བྱད་ཚད་འདས་པ། །རང་ལ་རྫོགས་པའི་ཐིག་ལེ་ཉིད། །ཇི་སྙེད་བདེ་བའི་རོལ་པ་ཀུན། །རང་ལ་རྫོགས་པ་ཉིད་དུ་གནས། །སངས་རྒྱས་ཀུན་གྱི་བདེ་བ་ནི། །རང་འབྱུང་ཐིག་ལེ་ཆེན་པོ་སྟེ། །
194b3 ཨཱ་ལི་ཀཱ་ལི་ཞུ་བ་ལས། །ནམ་མཁའ་ཁྱབ་པའི་བདེ་བ་འབྱུང་། །གསང་བའི་ཐིག་ལེ་ཀུན་གྱི་རྒྱུ། །ནམ་མཁའི་ཐིག་ལེ་གསང་བའི་ངང་། །ཁྱབ་པ་ཆེན་པོ་ཕྱོགས་ཆ་མེད། །ལུས་གནས་རང་བཞིན་མ་སྐྱེས་པ། །བདེ་བའི་དབང་ཕྱུག་སྐུ་གསུང་ཐུགས། །ནམ་མཁའ་ལྟ
194b4 བུར་དཔག་ཏུ་མེད། །ཐབས་དང་ཤེས་རབ་དབྱེར་མེད་པའི། །གསང་བའི་ཐིག་ལེ་བཞུགས་པའི་གནས། །དཔག་མེད་ཏིལ་འབྲུ་རྡུལ་སྙེད་ཀྱི། །རྒྱལ་བ་ཀུན་དང་ལྷན་ཅིག་ཏུ། །མ་ལུས་བདེ་བ་ཆེན་པོའི་རོ། །ལྷན་ཅིག་སྐྱེས་པའི་རང་བཞིན་གྱིས། །མ་གསུངས་རིག་པས་ཉམས
194b5 བཏང་བས། །མི་འཛིན་ལོངས་སྤྱོད་ཆེན་པོའི་གནས། །རང་འབྱུང་ཉི་ཟླ་རྟེན་གྱི་རོ། །མ་སྤངས་འདུས་པས་འདུ་འབྲལ་མེད། །གསང་བའི་ཐིག་ལེ་བཅུད་འདུས་པ། །ནམ་མཁའ་གང་བ་བདེ་བའི་རོ། །གཉིས་མེད་འཁྲིལ་བའི་སྟོབས་ལས་བྱུང་། །མཁའ་དབྱིངས་བྱང་ཆུབ
194b6 འབྱོར་པའི་སེམས། །མ་བཏང་མ་སྤྲོས་ཐིག་ལེ་ཆེ། །ནམ་མཁའ་རྒྱས་པའི་མཐའ་བཞིན་དུ། །བདེ་བའི་ཚད་ཀྱང་དཔག་ཏུ་མེད། །ཡབ་ཡུམ་གནས་པའི་གྲངས་ཚད་ཀྱང་། །ནམ་མཁའི་མཐའ་དང་མཉམ། ཁམས་ཀྱི་རྡུལ་སྙེད་དེ། །རེ་རེའང་བདེ་བའི་དཀྱིལ་འཁོར་ནི། །རྡུལ་སྙེད་ནམ
194b7 མཁའི་མཐའ་དང་མཉམ། །ཡབ་ཡུམ་གཉིས་མེད་འབྲེལ་པ་ཡི། །ཐབས་དང་ཤེས་རབ་བཅུད་འདུས་པ། །གང་ཡང་མི་སྒྲིབ་ཐིག་ལེའི་རོ། །སྣང་གསུམ་མཚན་མ་ལས་འདས་པ། །སངས་རྒྱས་རིན་ཆེན་ཀུན་གྱི་བཅུད། །བྱེ་བ་རྡུལ་སྙེད་གྲངས་འདས་པའི། །མ་ལུས་ཀུན་དང
iiif viewer powered by OpenSeadragon
