| e-texts navigator |
| Wylie |
194a1 མཐར་ཐུག་ཀྱང་། །ཆེ་མཆོག་ལྷུན་གྲུབ་མཉམ་དང་བྲལ། །སྐད་ཅིག་ཉིད་ལ་ལྷུན་རྫོགས་པའི། །སངས་རྒྱས་དཔག་མེད་ཡོན་ཏན་རྣམས། །རིགས་བདག་རྡོ་རྗེ་འཆང་ཆེན་གྱིས། །ཡེ་ཤེས་ལྷ་མོ་རོལ་དབང་གིས། །ཉི་ཟླའི་བདེ་བ་མངོན་ཐོབ་སྟེ། །རྡོ་རྗེ
194a2 འཆང་གི་ས་ལ་བཀོད། །དཔག་མེད་རྒྱལ་བ་ཐམས་ཅད་ཀྱི། །འགྲོ་བའི་གདུལ་བྱ་མཐའ་ཡས་པས། །སྐུ་གསུང་ཐུགས་ཀྱང་དེ་བཞིན་ཏེ། །བཞུགས་ཚུལ་དཔག་མེད་རྣམ་པར་སྣང་། །ཆེ་བའི་ཡོན་ཏན་ལྷུན་རྫོགས་པའི། །སངས་རྒྱས་དྲུག་པའི་རང་བཞིན་ཏེ། །ནམ
194a3 མཁའི་མཐས་གཏུགས་མཚན་པ་ཡིས། །བདེ་ཆེན་ཡེ་ཤེས་རྒྱས་པར་གནས། །བཅུ་དྲུག་ཞག་གིས་རྫོགས་པ་ལྟར། །མ་ལུས་རྫོགས་པའི་ཡེ་ཤེས་ཉིད། །ས་མཐའི་ཉེས་པ་ཀུན་བྲལ་བ། །ཀུན་གྱི་ཡོན་ཏན་བདག་ཉིད་གནས། །སངས་རྒྱས་ཞིང་ཁམས་མཐའ
194a4 ཡས་པའི། །ནམ་མཁའི་མཐའ་ཐུག་བར་དུ་ནི། །གདུལ་བྱའི་རྡུལ་སྙེད་གནས་ཀྱི་བར། །སྐད་ཅིག་འདུ་འབྲལ་མེད་པར་གནས། །བཅུད་འདུས་ཐིག་ལེ་ཆེན་པོ་ནི། །བདེ་བའི་ཟག་མེད་ཐིག་ལེ་སྟེ། ། དང་བདེ་བར་འབྲེལ་བ་ཡི། །མ་ལུས་ཁྱབ་པའི་ཚུལ་དུ་བཞུགས། །
194a5 ཐིག་ལེའི་བྱེ་བྲག་བརྒྱད་ཅུའི་རྩ། །བཅུད་འདུས་གསང་བའི་ཐིག་ལེའི་རོ། །མ་སྐྱེས་མཉམ་ལ་གནས་འགྱུར་ཞིང་། །མ་ལུས་གང་བའི་ཚུལ་གྱིས་ནི། །ཞིང་ཁམས་ཕྱོགས་བཅུ་མཐའ་ཡས་པ། །ཟག་མེད་ཐིག་ལེར་རོ་གཅིག་པས། །ནམ་མཁའི་གཟུགས་ཅན་དེ་བཞིན
194a6 ཉིད། །སྐུ་བཞི་འདུས་པའི་ཁམས་ཐིག་ལེ། །དངས་མ་ལྔ་འདུས་སྙིང་པོ་ཅན། །གསུམ་འདུས་མི་འགྱུར་སྙིང་པོ་སྟེ། །བདེས་གང་བཞི་བཅུ་རྩ་གཉིས་པོ། །ཐིག་ལེ་རོ་ཡིས་གང་ཕྱེ་བ། །དཔག་མེད་སྐུ་གསུང་ཡོན་ཏན་ཐུགས། །བསམ་གྱིས་མི་ཁྱབ་རང་སྣང་བ། །ཐིག
194a7 ལེ་ཕྱག་རྒྱ་བསམ་མི་ཁྱབ། །ཕྱི་ནང་དངས་སྙིགས་མ་ལུས་པ། །རང་འབྱུང་དངས་མའི་ཐིག་ལེ་ཉིད། །གཞན་མེད་ཕྱོགས་མེད་རང་སྣང་བ། །ཕྱོགས་མེད་བདེ་བ་ཆེན་པོ་ཉིད། །གསང་བའི་ཐིག་ལེ་ཆེན་པོ་ནི། །ཡོན་ཏན་རྫོགས་པའི་ངོ་བོ་སྟེ། །བདེ་བ་ཆེན་པོའི་སྙིང་པོ་ལས། །
iiif viewer powered by OpenSeadragon
