| e-texts navigator |
| Wylie |
191b1 བྲལ་དབུགས་ཕྱིན་མྱ་ངན་འདས། །རང་སྣང་དཔག་མེད་ཞལ་མཐོང་བས། །གཞན་དུ་བལྟ་བའི་ཡུལ་དང་བྲལ། །ཏིང་འཛིན་རིག་པ་གོམས་པའི་མཐུ། །མཚན་མ་སྡུག་པོ་ཡུལ་ལས་འདས། །འཇིག་རྟེན་སྟོང་ཕྲག་དབང་སྒྱུར་ཞིང་། །གཉིས་མེད་ཕྱག་རྒྱ་ཆེན་པོའི
191b2 རིགས། །ནམ་མཁའ་མཐར་ཐུག་མེད་པ་ལྟར། །བསྒོམས་དང་ནུས་པའི་རྩལ་སྟོབས་ཀྱིས། །བག་ཆགས་མཚན་མའི་ཚང་ཚིང་ལ། །ཏིང་འཛིན་རིག་པའི་མེ་བྱུང་བས། །ཞིང་ཁམས་རྒྱ་བྲལ་དཔག་མེད་དུ། །ཏིང་འཛིན་རིག་པས་གང་སྦྱངས་པ། །བསྒོམས་དང་ཏིང
191b3 འཛིན་རིག་པ་ཡིས། །རྡོ་རྗེ་འཛིན་པའི་ལུང་ཐོབ་པ། །ཕྱག་རྒྱ་ཆེན་པོའི་རིག་འཛིན་ཡིན། །དེ་ནས་རིག་པའི་རྩལ་རྫོགས་ཤིང་། །ཡེ་ཤེས་ལྷ་མོ་རོལ་དབང་གིས། །མཐར་ཕྱིན་རིག་པའི་སྐྱེས་བུ་སྟེ། །ཞིང་ཁམས་བྱེ་བའི་དབང་ཐོབ་ཅིང་། །རྡོ་རྗེ་འཛིན་པ་ཉིད་ཀྱི་སྲས། །དབང
191b4 དང་ཆོ་འཕྲུལ་ཀུན་ཐོབ་པ། །ནམ་མཁའི་མཐའ་ལྟར་དགོངས་པས་ཁྱབ། །མཉམ་བཞག་རྗེས་ཐོབ་ཁྱད་པར་གྱིས། །རྒྱལ་བའི་ལུང་མནོད་བཀའ་ལ་གནས། །ཞིང་ཁམས་དག་པར་ཀུན་སྤྱོད་ཀྱང་། །རྨད་འབྱུང་གསང་བའི་རང་བཞིན་ལ། །སྤྱོད་ཀྱང་ལྟ་བའི་རང་བཞིན་གྱིས། །
191b5 ཕྱོགས་བྲལ་ནམ་མཁའ་མི་མཐོང་བས། །དབང་དང་དགོངས་པས་མཐར་ཕྱིན་འགྱུར། །དབང་དང་དམ་ཚིག་བརྟུལ་ཞུགས་ཏེ། །དང་པོ་བསླབ་པ་མཐར་ཕྱིན་ཅིང་། །ཐིག་ལེ་རྫོགས་པར་འདོད་པ་ཡིས། །གསང་བ་ནང་གི་དོན་ལ་སྦྱར། །ཐུན་མོང་བྱ་བ་མཐར་ཕྱིན་ནས། །ལུས་དང
191b6 སྤྱོད་ཡུལ་བཅས་པ་དང་། །ལྷ་ཡི་རྣལ་འབྱོར་མ་ལུས་པ། །བདེ་ཆེན་ཐིག་ལེ་ཉིད་དུ་བལྟ། །ལྷ་དང་བདེ་བར་མཉམ་སྦྱོར་བས། །ཐིག་ལེ་བདེ་བར་སྣང་བ་ནུབ། །སྐུ་བཞི་དཀྱིལ་འཁོར་ཁམས་ཐིག་ལེ། །དངས་མ་ལྔ་རུ་མཉམ་སྦྱོར་བས། །ངོ་བོ་དང་ནི་རྐྱེན་དག་གིས། །ཐབས་ཀྱི
191b7 རིམ་པ་བསྐུལ་ལས་ཤེས། །བདེ་བའི་ཐིག་ལེ་ཉམས་མྱོང་བ། །མི་རྟོག་བདེ་བ་ཆ་ཤས་མེད། །མི་ཤིགས་ཐིག་ལེ་ཀུན་གྱི་བདག་།སྟོང་ཉིད་འབྲེལ་པའི་རི་མོ་ཅན། །ཐ་མལ་བྱ་བ་ཀུན་བྲལ་བ། །སྤྱོད་པ་ཉིད་དུ་བསྟན་པ་ཡིན། །ཐིག་ལེ་བཞུ་བའི་རང་བཞིན་གྱིས། །འཛག་འབར
iiif viewer powered by OpenSeadragon
