| e-texts navigator |
| Wylie |
191a1 བཞིན་ལུས་སེར་ཞིང་གྲུ་བཞིར་གནས། །རྣམ་འཕྱངས་ཤ་དང་ནུ་མ་རྒྱས། །འཕེལ་བའི་དུས་སུ་འདི་དག་གཟུང་། །བཞིན་མདོག་པད་འདྲ་སོག་ཀ་ལ། །སྨིན་དཀྱུས་རིང་ལ་སྟོད་སྨད་ཕྱེད། །ལུས་དང་ཆུ་རླུང་དྲི་ཞིམ་ཞིང་། །བདེ་བ་ལྡན་ཞིང་ཡན་ལག་མེད། །
191a2 འདི་ནི་སྡུད་པའི་མཆོག་ཏུ་འགྱུར། །ནག་མོ་གྲུ་གསུམ་རྩིད་མགོ་མ། །ཁྲོ་གཉེར་བྱིས་པའི་ལུས་ལྡན་ཞིང་། །གཏུམ་ཞིང་བརླང་ཚིག་འཛེམ་པ་མེད། །གཙང་སྨེའི་རྟོག་བྲལ་གསོད་པར་བཤད། །གང་དུ་ནུས་པ་བརྟན་ཐོབ་པ། །དེ་དག་ས་ནས་སར་སྦྱོང་བ། །རིག་པའི་སྐྱེས
191a3 བུ་དམ་པ་ཉིད། །རྣལ་འབྱོར་རིམ་པའི་ལུང་ལྡན་པ། །མ་སྐྱེས་མཉམ་ལ་དབང་སྒྱུར་ཞིང་། །མ་ལུས་གསལ་བར་མཐར་ཕྱིན་པའོ། །རང་རིག་ཡེ་ཤེས་རྒྱུད་དོན་ཕྱིར། །རང་སྣང་རིག་པ་མངོན་བྱས་པ། །རིག་འཛིན་མཆོག་སྟེ་ལྷུན་གྲུབ་པའོ། །ཏིང་འཛིན་ནུས་པའི་མཐུ
191a4 མེད་ཀྱང་། །ས་སྦྱོང་སེམས་དཔའ་བསྐྱེད་དུ་མེད། །བདེར་གཤེགས་ཉིད་དང་སྤྱོད་ཡུལ་གཅིག་།རིག་པའི་སྐྱེས་བུའི་ལུང་ཐོབ་པའོ། །གལ་ཏེ་འབྱུང་བའི་ལུས་འཇིག་ན། །བདག་ཉིད་སྒོ་གསུམ་ལྷར་ལྟ་ཞིང་། །འབྱུང་བ་བསགས་པའི་ལུས་ལས་གྲོལ། །ཏིང་འཛིན་ཕྱག
191a5 རྒྱ་ཆེན་པོར་སྨིན། །ཁྱུང་ཕྲུག་སྦུབས་དང་བྲལ་བ་ལྟར། །མ་ལུས་ཕྱག་རྒྱ་སྒྱུ་མའི་མཆོག་།རྣམ་པར་སྨིན་ཅེས་དེ་ལ་བརྗོད། །ཟག་པ་ཟད་པ་རྡོ་རྗེ་ལུས། །ཕྱིན་ཅད་འགྱུར་འཇིག་ཆོས་དང་བྲལ། །བདེ་བ་ཆེན་པོ་ལུང་ཐོབ་པས། །ཟག་བཅས་བསླབ་པའི་ཆོས་དང
191a6 བྲལ། །ཞིང་ལ་དབང་སྒྱུར་སྤྲུལ་པའི་ལུས། །ཏིང་འཛིན་ལོངས་སྤྱོད་དཔག་ཏུ་མེད། །བསྒྲུབས་པའི་ནུས་པ་གང་བརྟན་པ། །རྡོ་རྗེ་ལུས་གྱུར་འཇིག་པ་མེད། །འཇིག་པ་ལྔ་བྲལ་ཟག་པ་ཟད། །དབང་སྒྱུར་གསུམ་ལ་དབང་ཐོབ་པས། །བདེ་བ་ལོངས་སྤྱོད་དཔག
191a7 ཏུ་མེད། །གྲངས་མེད་བསྐལ་པར་དོན་བྱེད་ཅིང་། །མཐོང་བས་དེ་བཞིན་གཉིས་མེད་རིགས། །རྒྱལ་ཚབ་སྐྱེས་བུ་ས་སྦྱོང་བ། །ཕྱི་ནང་སྣོད་བཅུད་མ་ལུས་པ། །ནམ་མཁའ་ལྟ་བུར་དཔག་མེད་ཅིང་། །མཐའ་དབུས་བསམ་པའི་རྒྱུན་ལས་འདས། །འཇིགས
iiif viewer powered by OpenSeadragon
