| e-texts navigator |
| Wylie |
188a1 བརྩོན་པའི་གང་ཟག་གིས། །ལུས་དང་ལོངས་སྤྱོད་འཚོ་བ་དང་། །བུ་དང་ཆུང་མ་རྒྱལ་སྲིད་ཀྱིས། །དང་པོར་བླ་མ་མཉེས་བྱས་ལ། །ཐབས་ལ་མཁས་པས་འདོད་པ་བླང་། །ཕྱི་ནང་སྣོད་བཅུད་མ་ལུས་པ། །རང་བྱུང་ཡེ་ཤེས་རང་སྣང་བ། །གཅིག་དང
188a2 དུ་མ་མེད་ཚུལ་གྱིས། །བདེན་པ་གཉིས་མེད་འབྲེལ་བ་ཉིད། །བྱིན་བརླབས་སྒྲ་དང་གཏན་ཚིགས་ཀྱི། །རང་འབྱུང་ཡེ་ཤེས་མངོན་དུ་སྣང་། །རང་གནས་འཁོར་ལོ་བསམ་མི་ཁྱབ། །རྟོག་གེའི་སྤྱོད་ཡུལ་མ་གྱུར་པ། །ཐབས་ཆེན་ཐབས་ལས་བྱུང་བ་ཡི། །འཕེལ་དང
188a3 དགའ་བདེ་ལོངས་སྤྱོད་ཕྱིར། །རྒྱས་པའི་ལས་ལ་འབད་པར་བྱ། །དབང་ཆེན་གཟི་བྱིན་ཆེ་བ་དང་། །རྒྱལ་རིགས་བློན་པོ་བྲམ་ཟེ་དང་། །གདུག་པ་དབང་དུ་བསྡུ་བའི་ཕྱིར། །རྗེས་དགུག་དབང་གི་ལས་བརྩམ་མོ། །དགྲ་དང་བགེགས་སོགས་མ་རུངས་པ། །གང་གིས་འདུལ
188a4 བར་མི་ནུས་པ། །གཟིར་ཞིང་འདུ་ཤེས་བསྒྱུར་བའི་ཕྱིར། །དྲག་པོ་བསྒྲལ་བའི་ཕྲིན་ལས་བརྩམ། །གང་ཡང་རུང་བའི་དངོས་པོ་ལ། །དང་པོ་མི་མཐུན་ཞི་བར་བྱ། །དེ་ནས་ཡོན་ཏན་རྒྱས་པར་བྱ། །དེ་ཉིད་དབང་བསྡུ་ལས་ལ་སྦྱར། །གལ་ཏེ་དབང་དུ་མ་གྱུར་ན། །དྲག་པོས
188a5 གཟིར་ཏེ་བསྒྲལ་བར་བྱ། །གལ་ཏེ་ལོག་པར་ལྟུང་སྲིད་པས། །འོག་མིན་གནས་སུ་ཕཊ་ཀྱིས་འཕང་། །ངེས་པར་འགྲུབ་འགྱུར་གདོན་མི་ཟ། །དང་པོར་སྔོན་བྱའི་ལས་ཀྱིས་ནི། །ནུས་དང་མི་ནུས་ཁྱད་པར་བརྟག་།དེ་ནས་ནུས་པ་ཐོབ་པ་སྟེ། །དེ་ནས་བདེ་བའི་རྩལ་ཐོབ་ནས། །
188a6 ཐོགས་པ་མེད་པའི་ཕྲིན་ལས་འགྲུབ། །ཟག་མེད་ལམ་ལ་གོམས་སྦྱངས་པས། །ཆོ་འཕྲུལ་བཞི་དང་ཕྲིན་ལས་བཞི། །གདུལ་བྱ་ཞིང་དང་ནུས་མཐུ་དང་། །བྱིན་བརླབས་རྩལ་གྱི་ཁྱད་པར་འཕགས། །མཐར་ཕྱིན་སྐུ་ལྔའི་ཞིང་ཐོབ་པས། །མ་རྩལ་ཆུ་དང་རླབས་བཞིན་དུ། །
188a7 དཔག་མེད་ཡོན་ཏན་ངོ་བོའི་ཕྱིར། །ལྷུན་གྱིས་གྲུབ་པའི་ཕྲིན་ལས་ཡིན། །ལས་དང་ཉོན་མོངས་གདུག་པ་དང་། །སྡུག་བསྔལ་རྟོག་པ་ཇི་སྙེད་པ། །ཆོ་ག་ཐབས་དང་ཏིང་འཛིན་གྱིས། །ལྷན་ནེ་ལྷང་ངེར་ཞི་བར་འགྱུར། །ང་རྒྱལ་རིན་ཆེན་གཟི་བརྗིད་ཀྱིས། །དཔལ་དང་ལོངས
iiif viewer powered by OpenSeadragon
