| e-texts navigator |
| Wylie |
187b1 སྦྱོར་བ་ལ་བརྩོན་ཞིང་། །ཉི་ཟླ་རྩེ་སྦྱོར་དབང་ཐོབ་ནས། །གཟུང་ཟློག་འབྱངས་པའི་གར་ཐབས་ཀྱིས། །དངོས་པོ་ལྷན་ཅིག་སྐྱེས་པའི་དོན། །སེམས་ལྔའི་ཚུལ་གྱིས་གསལ་བར་སྐྱེ། །ཉི་ཟླ་ཞོན་པའི་རྫུ་འཕྲུལ་དང་། །རྒྱུ་བའི་རླུང་ལ་དབང་ཐོབ་པས། །ཁམས་བཞི་འདུས
187b2 པའི་སྙིང་པོ་ལས། །བདེ་ཆེན་ཐིག་ལེ་མི་རྟོག་པ། །ཐབས་ཀྱིས་ད་ལྟར་མངོན་དུ་སྣང་། །ཐབས་དང་བྲལ་བའི་སློབ་དཔོན་གྱིས། །སྐལ་མེད་ལས་ཀྱིས་དམན་པ་ལ། །དབང་དང་བརྒྱུད་པ་བྲལ་བ་ཡིས། །ཚིག་དང་རིགས་པས་ཅི་བསྟན་ཀྱང་། །རིགས་ངན་རྒྱལ་སར་བཞག་པ
187b3 ལྟར། །བདག་ཕུང་གཞན་བརླག་འཇིག་པར་འགྱུར། །གང་དུ་གསང་བའི་ཐིག་ལེ་ཉིད། །གསང་བའི་ལམ་ལྔར་ཉམས་སྐྱེས་པས། །ཟག་མེད་བདེ་བའི་དཀྱིལ་འཁོར་དུ། །མཁའ་འགྲོ་གསུམ་ལ་གང་བརྟེན་ནས། །ཡེ་ཤེས་ཐིག་ལེ་རྒྱ་དཔག་མེད། །རིམ་པས་མཐར
187b4 ཐུག་གནས་སུ་འགྱུར། །གང་ཞིག་འདི་ལ་འདྲིས་གོམས་པས། །རྒྱུ་བ་ཐིག་ལེར་ཐིམ་པ་དང་། །དྲན་རྟོག་ནམ་མཁར་གསལ་བ་དང་། །བདེ་ཆེན་སྔོན་དུ་སྨིན་པ་ཡིས། །འཆི་མེད་སངས་རྒྱས་ས་ལ་སྦྱོར། །འཇིགས་པ་ཀུན་ལས་གྲོལ་བ་དང་། །ལྷ་མོ་ཚོགས་ཀྱིས་བྱིན
187b5 བརླབས་ནས། །རོལ་རྩེད་སྣ་ཚོགས་སྒྱུར་བྱེད་ཅིང་། །ཐབས་དང་ཤེས་རབ་གཉིས་མེད་ཅིང་། །ལོངས་སྤྱོད་རྫོགས་པའི་ཞལ་མཐོང་ཞིང་། །རྡོ་རྗེ་དབང་གིས་མཚམས་སྦྱར་ནས། །ཡི་གེ་འཁོར་ལོ་ཚོགས་མཆོག་མཉེས། །ནམ་མཁའི་མཐར་ཐུག་བར་དུ་ནི། །བདེ
187b6 ཆེན་ཡེ་ཤེས་ཟག་པ་མེད། །ཡེ་ཤེས་རྒྱ་མཚོ་བྱིན་བརླབས་ཅན། །ནམ་མཁའ་ལྟ་བུར་དཔག་མེད་པ། །རྒྱལ་བ་ཀུན་གྱི་ངོ་བོར་འགྱུར། །རྡོ་རྗེ་སེམས་དཔའ་སྒྱུ་འཕྲུལ་དྲ་བ་གསང་བ་མེ་ལོང་གི་རྒྱུད་ལས་ཕྲིན་ལས་མཐའ་ཡས་པ་བཤད་པའི་ལེའུ་སྟེ་བཅུ་པའོ།། །།
187b7 དེ་ནས་གཞན་ཡང་བཤད་བྱ་བ། །གསང་བའི་ལམ་ལ་གང་དགའ་བས། །ཐུན་མོང་མ་གྱུར་གསང་བའི་ལམ། །རིམ་པ་ཉིད་དུ་བཤད་པར་བྱ། །དད་དང་བརྟུལ་ཞུགས་ཆེ་བ་དང་། །ཐེག་པ་ཆེན་པོར་རིགས་ངེས་ཤིང་། །སྙིང་བརྩེ་དབང་དང་དམ་ཚིག་ལྡན། །སྒྲུབ་ལ
iiif viewer powered by OpenSeadragon
